
Doza Kobanê bi parastinên siyasetmedar û parêzeran berdewam dike  

2023-10-04 13:42:34


	&nbsp;

	ENQERE - Danişîna Doza Kobanê didome. Siyasetmedar Alp Altinors diyar kir ku beyanên şahidan ku dozger diderewîne di mutalayê de cih digirin û ev jî bi armanca siyasî hatiye kirin.&nbsp;

	&nbsp;

	Rûniştina sêyemîn a danişîna 35’emîn a Doza Kobanê ku Hevserokên Giştî yên Partiya Demokratîk a Gelan (HDP) yên berê Fîgen Yuksekdag û Selahattîn Demîrtaş jî di nav de 18 jê girtî bi giştî 108 siyasetmedarên kurd bi hinceta bûyerên 6-8’ê Cotmeha 2014’an tê de tên darizandin, li 22’yemîn Dadgeha Cezayên Giran a Enqereyê ya li Kampûsa Girtîgeha Sîncanê tê lidarxistin.

	&nbsp;

	Siyasetmedarên li Girtîgeha Sîncanê di danişînê de amade bûn û siyasetmedarên li girtîgehên cuda jî bi rêya Pergala Deng û Dîmen (SEGBÎS) beşdar bûn. Parêzerên endamên Komeleya Hiqûqnasên ji bo Azadiyê (OHD) jî di danişînê de amade bûn. Danişîn, bi tespîtkirina nasnameyan dest pê kir.&nbsp;

	&nbsp;

	Parlamenterên Partiya Çepên Kesk Oznûr Bartin û Omer Farûk Hulaku û gelek kes jî beşdarî danişînê bûn.&nbsp;

	&nbsp;

	‘DOZGER XWE DIDEREWÎNE’&nbsp;

	&nbsp;

	Siyasetmedarê girtî Alp Altinors di roja sêyemîn de parastina xwe berdewam kir. Altinors bi berfirehî parastina xwe kir û diyar kir ku AKP li şûna ku DAIŞ’ê bidarizîne li dijî siyasetmedarên demokrasîxwaz dozan vedike û berdewamiya vê dozê navborî jî li ser daxwaza AKP’ê pêk tê.&nbsp;

	&nbsp;

	Altinors ku got “Îdiayên dozger têk çûn” destnîşan kir ku beyanên şahidan ku dozger diderewîne di mutalayê de cih digirin û ev jî bi armanca siyasî hatiye kirin. Altinors anî ziman ku beyanên derew ên şahidên veşarî û şahidên navê wan eşkere û îdiayên dozger nayên qebûlkirin û îdiayên derew nîşan didin ku dozger li ser armancên siyasî dixebite.&nbsp;

	&nbsp;&nbsp;

	Şandeya dadgehê saetek navber da danişînê.&nbsp;

	&nbsp;