
Polîsan dîmenên îşkenceyê bi darê zorê ji telefonan birin 

2023-10-07 16:32:39


	&nbsp;

	COLEMÊRG - Polîsan dîmenên parêzerên ku xwestin îşkenceya li cîwanan hatiye kirin eşkere bike, bi darê zorê ji telefonên parêzeran birin.&nbsp;

	&nbsp;

	Polîsan duh li navçeya Gevera Colemêrgê ser gelek malan de girtin û ciwanan bi îşkenceyê binçav kirin. Parêzeran piştî binçavkirinan, xwestin îşkenceya hatiye kirin eşkere bikin lê belê ji hêla polîsan ve hatin astengkirin.&nbsp;

	&nbsp;

	Parêzerên bi saetan li ber deriyê emniyeta Geverê hatine sekinandin ji bo ku îşkenceya hatiye kirin eşkere bikin, wêne girtin. Polîsan bi darê zorê wêneyên hatine girtin j telefonên parêzeran dan jêbirin.&nbsp;

	&nbsp;

	Şaxa Komeleya Hiqûqnasên ji bo Azadiyê (OHD) a Colemêrgê li ser hesabê xwe yê medya dîjîtal têkildarî nêzîkatiya li dijî parêzerên ku endamê wan in, daxuyanî da.

	&nbsp;

	ÎŞKENCE HAT KIRIN

	&nbsp;

	Di daxuyaniyê de hat destnîşankirin ku di serdagirtinên malan de li dijî kesên hatine binçavkirin û malbatên girtiyan bi awayekî sistematîk, dijî exlaqî, muamelayên wekî îşkenceyê hatine kirin.&nbsp;

	&nbsp;

	Di daxuyaniyê de wiha hat gotin: “Kesên hatine binçavkirin ji Nexweşxaneya Dewletê ya Geverê raporên derpkirinê wergirtine, polîsan nehiştine ku muwekîlên wan pêdiviyên xwe yên wekî av, xwarin û destşoyê pêk bînin. Polîsan nehiştine ku parêzer bi telefonên xwe ve têkevin odeya binçavkirinê. Herwiha polîsan telefona B.O yê ku dixwest îşkenceyê bi belge bike desteser kir û dîmenên ku parêzer girtiye bi darê zorê jê birine û xwestin parêzeran binçav bikin.”

	&nbsp;

	‘DIVÊ LÊPIRSÎNEKE BIBANDOR WERE BIRÊVEBIRIN'&nbsp;

	&nbsp;

	Di daxuyaniyê de hat diyarkirin ku piştî îşkenceya hatiye kirin tu sazî neketine liv tevgerê û wiha hat gotin: “Divê lêpirsîneke bibandor were destpêkirin û birêvebirin, sepanên kêfî, êriş, heqaret werin zelalkirin, derbarê kesên van tiştan kirine bila lêpirsîneke bibandor were destpêkirin û ev kes werin cezakirin. Herwiha di darizandinên polîs û leşkeran de bêcehiştin dibe sedema binpêkirinên mafan. Em bi darizandineke adîlane dixwazin ku lêpirsîn bi awayeke bandor û lezgîn were destpêkirin, faîl werin cezakirin. Em ji cemaweriyê re radigehînin ku em ê ji serî ve bibin şopdarê pêvajoya hiqûqî.”

	&nbsp;