
Li daîreyên qada leşkerî hezar û 256 ‘hilbijêr’ hatine qeydkirin 

2023-10-12 14:34:31


	AMED - Derket holê ku li navçeya Gêlê qeyda îqametgaha hezar û 256 kesan li daîreyên di nava qada leşkerî de cih digirin, hatine çêkirin.&nbsp;

	&nbsp;

	Beriya hilbijartina xwecihî ya di 31’ê Adara 2024’an de bê lidarxistin, agahiyên “hilbijên veguhestî” ji bajarên bakurê Kurdistanê tên. Piştî Şirnex û Agiriyê vê jî li Amedê heman mijar bû rojev. Li gorî agahiyên hatin bidestxistin; li taxa Yenîşehîrê ya navçeya Gêlê ya Amedê di hilbijartina giştî û serokkomariyê de hejmara hilbijêr ango rayên taxê 885 kes bûne, lê bi yek carekî hejmara hilbijêran bûye 2 hezar û 141.&nbsp;

	&nbsp;

	Balkêşe ku &nbsp;ev hejmar hezar û 256 kes ji zilaman pêk tê. Ji van kesan hezar &nbsp;û 171 kesan li deriyên ku nimreya wan 25 D, F, C û H yên li ser Cadeya Ahmet Ece ya li taxê hatine qeydkirin. Tenê li avahiya 25 D tevahiya wê ji zilaman pêk tê 756 kes hatine qeydkirin.&nbsp;

	&nbsp;

	Tê texmînkirin ku ev kes leşker in. Lêkolîna ku Partiya Demokratîk a Gelan li ser mijara navborî kiriye jî meseleyê piştrast dike. Li gorî HDP’ê; li daîreyên ku ev kes lê hatine qeydkirin, di nava qada leşkerî de cih digire.&nbsp;

	&nbsp;

	FERQA HILBIJARTINA 2019’AN 843 RAY BÛN&nbsp;

	&nbsp;

	Kesên ku qeyda wan îqametgahê dane ser Gêlê dibe ku encama hilbijartina xwecihî ya li pêşiya me biguherîne jî. Di hilbijartina xwecihî ya sala 2019’an de HDP’ê 5 hezar û 757 deng girtibû û şaredarî qezenc kiribû. AKP’ê jî 4 hezar û 914 deng wergirtibûn. Partiya Saadetê jî 219 deng wergirtibûn û CHP’ê jî 142 deng wergirtibûn. Her wiha namzetê serbixwe jî 118 deng wergirtibû. Bi vî awayî HDP’ê bi ferqek 843 dengan şaredarî bi dest xistibû.&nbsp;

	&nbsp;

	Di hilbijartina 14’ê Gulanê de jî Partiya Çepên Kesk 4 hezar û 703 ray, AKP’ê 3 hezar û 150 ray; CHP’ê 663 ray; Partiya ÎYÎ jî 350 ray wergirtibûn.&nbsp;

	&nbsp;

	JI NAVÇEYÊN DERDORÊ ANÎNE&nbsp;

	&nbsp;

	Ji rêveberên Rêxistina HDP’ê ya Navçeya Gêlê parêzer Mehmet Zulkuf Polat têkildarî mijara navborî ev pênase kir: “Dixwazin darbeyê li vîna gel bixin.” Polat da zanîn ku ew ê li dijî mijara navborî gilî û îtîrazan bikin û piştî ku Desteya Hilbijartinê ya Bilind (YSK) agahiyên li ser hilbijêran di 1’ê cotmehê de daye wan rewşê ferq kiriye.&nbsp;

	&nbsp;

	Polat anî ziman ku di hilbijartinên meha gulanê de hejmara hilbijêran li taxê 885 bûn lê ev hejmar bi yek carê bûye 2 hezar û 141 hilbijêr. Polat got piştî wan lîsteyê baş lêkolîn kiriye dîtine ku hezar û 256 hilbijêr hatine zêdekirin. Polat diyar kir ku piraniya van hilbijêran ji navçeyên Çinar, Erganî, Peyas, Çêrmûk, Çingûş û Pîranê anîne li navçeya wan qeyd kirine û hemû jî zilam ni. Polat got ew nizanin ku ka van hilbijêran veguhestine.&nbsp;

	&nbsp;

	EW DAÎRE LI QADA LEŞKERÎ NE&nbsp;

	&nbsp;

	Polat anî ziman ku ew li heman taxê rûdinê û karmend du sê meh in nikarin malên kirê bibînin û wiha got: “Gelo van hezar û 256 kesan çawa bicihkirin e? Li ser hin daîreyan 18 kes li ser hin daîreyan jî 19-20 kes hatine qeydkirin. Ew daîre û avahiyên ku qeyd lê hatine kirin cihê leşkerî ne.”&nbsp;

	&nbsp;

	'DESTWERDANA LI DIJÎ ÎRADEYÊ YE’&nbsp;

	&nbsp;

	Polat destnîşan kir ku dixwazin bi vî awayî encama hilbijartina li navçeyê were guhertin û got: “Ev destwerdanek pir eşkere &nbsp;ya li dijî îradeyê ye. Em ê dest ji meseleyê bernedin û bişopînin. Heke kesên ku ne ji vir bin û qeyda wan anîbin vir û îradeya gelê Gêlê diyar bikin, ev li dijî demokrasiyê ye. Xelkê me viya naxwaze û sekna xwe nîşan dide.”&nbsp;

	&nbsp;

	MA / Eylem Akdag - Şîlan Çîl

	&nbsp;