
Derhênerê îranî Mehrjoui û lîstikvan Mohammadifar hatin qetilkirin 

2023-10-15 10:17:16


	&nbsp;

	NAVENDA NÛÇEYAN &nbsp;- Derhênerê îranî Dariush Mehrjoui û lîstikvan Vahideh Mohammadifar li mala xwe ya li Karajê bi îşkenceyê hatin qetilkirin.&nbsp;

	&nbsp;

	Derhênerê îranî Dariush Mehrjoui û lîstikvan Vahideh Mohammadifar li mala lê dijiyan ji hêla kesên nasnameya wan nediyar ve hatin qetilkirin.&nbsp;

	&nbsp;

	Di şeva 14’ê cotmehê de li ser îxbara cîranan, polîs çûn mala derhêner Dariush Mehrjoui û hevjîna wî ya lîstîkvan Vahideh Mohammadifar. Polîsan diyar kirin ku her du jî bi îşkenceyê hatine qetilkirin.&nbsp;

	&nbsp;

	Polîsên Îranê têkildarî bûyerê daxuyanî dan û wiha gotin: “Ev bûyer ji hêla kesên nayên zanîn ve û bi awayekî nayê zanîn pêk hatiye. Hêj jî sedema cînayetê nayê zanîn. Delîlên heyî nîşan didin ku ev cînayet bi çekên sar û li stû û hinek deverên laş hatine xistin û di encama birîndarbûnê de çêbûye.”&nbsp;

	&nbsp;

	Fîlmên derhêner Mehrjouî yên li seranserî cîhanê navdar ev in: Çêlek, Xeleka Mînayê, Kirêgir, Hamun, Leyla, Dara Hirmiyê, Santûrvan û Lamînur. Lîstikvan Vahideh Mohammadifar jî di gelek fîlmên navdar de lîstibû.&nbsp;

	&nbsp;