
Dozger xwest cezayê hefsê li rojnameger Canozer were birîn 

2023-10-25 11:33:23


	AMED - Di danişîna ewil a doza rojnameger Bêrîtan Canozer de dozger xwest bi îdiaya “endamtiya rêxistinê” heta 15 salan cezayê hefsê li Canozer were birîn.&nbsp;

	&nbsp;

	Serdozgeriya Komarê ya Amedê di çarçoveya îfadeyên şahidê eşkere Umît Akbiyik de lêpirsîn dabû destpêkirin û di 25’ê nîsanê di çarçoveya lêpirsînê de li 21 bajaran operasyonên binçavkirinê hatibûn destpêkirin. Rojnameger Bêrîtan Canozer jî hatibû binçavkirin û danişîna doza wê ya ewil a bi îdiaya “Endamtiya rêxistinê” li 10’emîn Dadgeha Cezayên Giran a Amedê hate lidarxistin. Rojnameger Canozer û parêzerê wê Muharrem Erbey di danişînê de amade bûn. Şahidê eşkere Umît Akbiyik jî bi Pergala Deng û Dîmen (SEGBÎS) tev li danişînê bû.&nbsp;

	&nbsp;

	Nûnerên Komeleya Rojnamegerên Jin a Mezopotamyayê (MKG), Komeleya Rojnamegeran a Dîcle Firatê (DFG) &nbsp;û Komeleya Medya û Xebatên Hiqûqî (MLSA) jî danişîn şopandin.&nbsp;

	&nbsp;

	'EM BÛN DENGÊ JINAN’&nbsp;

	&nbsp;

	Rojnameger Canozer li dijî îdianameyê parastina xwe kir û got ku şahidê eşkere Umît Akbiyik nas nake û li ser nûçeyan hîn bûye ku endamê Meclisa Ciwanan a Partiya Demokratîk a Gelan (HDP) e. Canozer, wiha domand: “Her wiha di îdianameyê de nûçeyên min çêkirine weke sûc hatine nîşandan. Çavkaniyên van nûçeyan eşkere ne. Rojnamegereke naskirî me û karê xwe bi veşartî nakim. Di demên berê de jî ji ber nûçeyên xwe hatim darizandin û dosyayên min ên beraetê hene. Ez, nûçeyên têkildarî jin û zarokan çêdikim. Em bûn dengê jin û zarokên hatine qetilkirin, yên tundî lê hatiye kirin, rastî tacîz û destdirêjiyê hatin. Bêyî ku ferq û cudahiyê têxim navbera wan min mîkrofon dirêjî jinên siyasetmedarên jin kir. Rojnamegerî û çêkirina nûçeyan sûc nîne. Tawanbariyên li min tên kirin qebûl nakim.”&nbsp;

	&nbsp;

	AKBIYIK: JI BO HEVPEYVÎNÊ HATE HDP’Ê&nbsp;

	&nbsp;

	Piştre jî li şahidê eşkere Akbiyik hate guhdarîkirin. Akbiyik ev îdia kir: “Di sala 2018’an de me konserek organîze kir. Dema ji bo hevpeyvînê hatibû HDP’ê me hev nas kir. Di xebatên Meclisa Ciwanan de û di bûyerên xendekê yên li Sûrê de, li cihê endamên rêxistinê bû. Ji bo hevpyevînan bi me re dişêwirî.”&nbsp;

	&nbsp;

	MUTALAAYA BI DAXWAZA CEZAKIRINÊ&nbsp;

	&nbsp;

	Dozger jî bi îdiaya “endamtiya rêxistinê” xwest ku ji 7 sal û 6 mehan heta 15 salan cezayê hefsê li rojnameger Canozer were birîn.&nbsp;

	&nbsp;

	Parêzerê Canozer, Muharrem Erbey jî ji bo parastina li dijî mutalaayê dem xwest.&nbsp;

	&nbsp;

	Dadgehê, daxwaza Erbey qebûl kir û danişîna dozê taloqî 8’ê kanûnê kir.&nbsp;

	&nbsp;