
Parêzera Armîta Girawend hat binçavkirin

2023-10-30 11:48:40


	NAVENDA NÛÇEYAN - Hat ragihandin ku di meresima cenazeyê Armîta Girawend de ku li Tahranê ji aliyê polîsên exlaqê ve hat kuştin, parêzer û mafparêz Nesrîn Sotudeh bi îşkence hatiye binçavkirin.

	&nbsp;

	Armîta Girawend (16) ji Kirmaşan a Rojhilatê Kurdistanê, 1’ê cotmehê bi hinceta serê xwe negirtiye, ji aliyê polîsên exlaqê ve li Tehranê hat binçavkirin û zêde îşkence lê hat kirin.&nbsp;

	&nbsp;

	Armîta ku ji ber îşkenceyê ket komayê, 28 roj bi şûn de 28’ê Cotmehê di nexweşxaneyekê de li Tahranê jiyana xwe ji dest da.&nbsp;

	&nbsp;

	Malbata Armîtayê xwest cenaze li Kirmaşanê vebişêre lê meqamên Îranê nehişt.&nbsp;

	&nbsp;

	Cenazeyê Armîtayê roja Yekşemiyê li Goristana Beheştî Zera ya li Tahranê bi meresimeke girseyî hat veşartin.&nbsp;

	&nbsp;

	Gava meresima cenaze gelek kes hat binçavkirin. Hat zanîn ku parêzer û mafparêz Nesrîn Sotudeh jî hatiye binçavkirin.

	&nbsp;

	Hevjînê wê Reza Handan daxuyanî da AFP’ê û got: "Hevjîna min di meresima cenazeyê Armîta Girawend de hat binçavkirin." &nbsp;

	&nbsp;

	Reza Handan da zanîn ku gava binçavkirinê li hejîna wî hatiye xistin.&nbsp;

	&nbsp;

	Nesrîn Sotudeh (60) sala 2012’an hêjayî xelata mafê mirovan Sakharovê hat dîtin, salên dawîn gelek caran hat girtin.&nbsp;