
Çawişê pispor ê 4 zarok tacîz kiribû hate berdan 

2023-10-31 16:54:57


	MÊRDÎN - Çawişê pispor Eyûp K. ku li navçeya Nisêbînê 4 zarok tacîz kiribû, bi şertê kontrola edlî hate berdan.&nbsp;

	&nbsp;

	Çawişê Pispor ê bi navê Eyûp K. ku li navçeya Nisêbîn a Mêrdînê 4 zarok tacîz kiribû, ji ber sûcên “Hîle kiriye û ji bo tacîza zayendî zarok ji azadiya xwe bêpar hiştiye” û “îstîsmara zayendî ya li dijî zarok” bi awayeke girtî dihat darizandin. Duyemîn danişîna dozê li 1’emîn Dadgeha Cezayên Giran a Mêrdînê hat lidarxistin.&nbsp;

	&nbsp;

	Çawişê pispor ê tacîzkar li girtîgeha lê dihat ragirtin bi rêya Pergala Deng û Dîmen (SEGBÎS) tev li danişînê bû. Malbata bersûc û parêzerên wî jî di danişînê de amade bûn. Parêzerên zarokên rastî tacîzê hatin jî tev li danişînê bûn.&nbsp;

	&nbsp;

	Danişîn, bi tespîtkirina nasnameyan dest pê kir. Piştre jî Şaxa Komeleya Hiqûqnasên ji bo Azadiyê (OHD) ya Mêrdînê û Navenda Mafên Zarokan a Baroya Mêrdînê xwestin daxilî dozê bibin. Piştre jî parêzeran xwestin ku rewşa girtî ya faîl bidome û were cezakirin.&nbsp;

	&nbsp;

	Dadgehê bi sedema “dest avêtinê” xwest faîl parastina xwe bike. Faîl tawanbarî red kir û xwest were berdan.

	&nbsp;

	PARÊZER: FERMANDARÊN WÎ JÊ HEZ DIKIN

	&nbsp;

	Parêzerên faîl jî got ku zarok bi miwekîlê wî re nehatine rûbirûkirin û îdia kir ku zarok hatine arastekirin. Parêzer, piştre jî ev parastin kir: “Her çend ku hûn van kesan weke zarok pênase bikin jî ev kes 17 salî ne û ciwanên mîna cinan e. Telefonê bi kar tînin û dikariyan bikişînin.” Parêzerê ku hewl da siwarkirina zarokan a li wesayîtê weke tiştekî asayî nîşan bide, ji bo faîl wiha got: “Miwekîlê min ji hêla fermandarên xwe ve tê hezkirin.”&nbsp;

	&nbsp;

	Parêzerê faîl xwest ku miwekîlê wî “ji ber nasnameya xwe ya leşkertiyê” were berdan.&nbsp;

	&nbsp;

	ÇAWIŞÊ PISPOR Ê TACÎZKAR HATE BERDAN

	&nbsp;

	Dadgehê, biryara xwe ya navberê eşkere nekir, daxwaza midaxilbûnê ya OHD û Navenda Mafên Zarokan a Baroya Mêrdînê red kir, ji bo faîl bi şertê kontrola edlî biryara berdanê da û danişîna din taloqî 1’ê sibata 2024’an kir.&nbsp;

	&nbsp;

	DERHEQÊ BÛYERÊ DE

	&nbsp;

	Çawişê pisporê bi navê Eyûp K. li navçeya Nisêbîn a Mêrdînê peywirdar bû. Xwe weke endezyar da nasîn û bi hinceta pirsîna navnîşanê 4 zarok li wesayîta xwe siwar kir û tacîz kir. Zarok A.D. (18) û H.O. (18) û du zarokên din ku dema bûyer qewimî hêj zarok bûn ku di navbera çile-nîsana 2023’yan de di dem û cihên cuda de rastî tacîzê hatibûn, bûyer bi mamosteyên xwe re parve kirin. Zarokan, piştre jî bûyer bi malbatên xwe re parve kirin û gilî kirin. Li ser vê yekê derheqê çawişê pispor Eyûp K. de lêpirsîn hate destpêkirin. Di çarçoveya lêpirsînê de îfadeya wî da û hate girtin.&nbsp;

	&nbsp;

	Serdozgeriya Komarê ya Mêrdînê di çarçoveya sûcên “Hîle kiriye û ji bo têkiliya zayendî zarok ji azadiya xwe bêpar hiştiye” û “îstîsmarkirina zayendî ya li dijî zarokan” de îdianame amade kir û xwest 20 sal ceza lê were birîn.

	&nbsp;