
Kesê ku ji ‘Doza Sereke ya KCK’ê girtîbû hat berdan 

2023-10-31 17:00:00


	AMED - Abdullah Bozkoyûn ê ku tenê ji “Doza Sereke ya KCK’ê” ya navenda wê Amed bû dihat darizandin, hat berdan.&nbsp;

	Li Amedê “Doza Sereke ya KCK’ê” di sala 2009’an de hatibû destpêkirin. Parlamentera HDP’ê ya berê Pero Dundar û parlamenterê HDP’ê yê berê û Cîgirê Hevserokên Giştî yê HEDEP’ê Tayîp Temel jî di nav de 36 kes ji dozê tên darizandin. Danişîna dozê li 2’yemîn Dadgeha Cezayê Giran a Amedê hat lidarxistin. Abdullah Bozkoyûn ê tenê ji dozê girtî dihat darizandin, ji girtîgeha lê ragirtî bi rêya Pergala Deng û Dîmen beşdarî danişînê bû. Parêzer jî di danişînê de amade bûn. Temel û Dundar û yên din ku tên darizandin beşdarî danişînê nebûn.

	&nbsp;

	Abdullah Bozkoyûn di danişînê de parastina xwe kir û bi bîr xist ku 12-13 sal berê ji heman îdiayan dihat darizandin û beraet kiriye û piştî dadgeha bilind biryarê xera kiriye dîsa hatiye girtin û ev demeke girtî ye. Bozkoyûn îdiayên li ser xwe red kir û xwest bê berdan. Dozger xwest Bozkoyûn girtî bê darizandin û kêmasiyên di dosyeyê de bên temamkirin.&nbsp;

	&nbsp;

	Paşê dadgehê biryara xwe eşkere kir û dema girtina Bozkoyûn li ber çavan girt û biryara berdanê da.&nbsp;

	&nbsp;

	&nbsp;