
170 êzdiyên din jî vegeriyan warê xwe 

2023-11-07 18:51:24


	&nbsp;

	NAVENDA NÛÇEYAN - Wezareta Koç û Koçberiyê ya Iraqê ragihand ku 170 êzdiyên din jî ji Kampa Şarya ya Dihokê ya Başûrê Kurdistanê vegeriyane Şengalê.

	&nbsp;

	Berdevka wezaretê Îvan Fayîq Cabiro ragihand ku 170 koçberên din ên êzdî bi dilxwazî ji Kampa Şarya ya li parêzgeha Dihokê vegeriyan Şengalê, navçe û gundên wê. Îvan got ku vegera koçberan bi hevkariya hêzên ewlekariyê, hikumetên xwecih ên Dihok û Nînovayê û Fermandariya Operasyonên Hevbeş tê koordînekirin.

	&nbsp;

	Li gorî Îvan, dê di rojên pêş de hin koçberên din ên li kampên Başûr jî vegerin Şengalê.

	&nbsp;

	Duh jî 487 koçberên Êzidî ji Kampa Şarya ya Dihokê vegeriyabûn Şengalê.

	&nbsp;