
AYM’ê ji bo astengkirina nûçeya Arti Gerçekê biryara ‘binpêkirinê’ da 

2023-11-08 13:21:25


	&nbsp;

	AVENDA NÛÇEYAN - Ji bo nûçeya Arti Gerçekê ya bi sernavê “Ji qereqolê bersiva ji bo ‘topa hewanê’: Em ji bo ceribandinê diavêjin” biryara astengkirinê hatibû dayîn. AYM’ê biryara astengkirinê weke “binpêkirin” nirxand.&nbsp;

	&nbsp;

	5’emîn Dadgeriya Cezayên Sulhê ya Enqereyê ji bo nûçeya Arti Gerçekê ya bi sernavê “Ji qereqolê bersiva ‘topa hewanê’: Em ji bo ceribandinê diavêjin” biryara astengkirinê hatibû dayîn. Li dijî vê biryarê Arti Media’yê li Dadgeha Destûra Bingehîn (AYM) bi sedema binpêkirina mafê xweîfadekirin û azadiya çapemeniyê îtîraz kiribû.&nbsp;

	&nbsp;

	Di daxwaznameyê de hatibû gotin ku biryara tevdîrê bêyî hincet hatiye dayîn û ev biryar biryareke sansûrê ye û mudaxileyeke bêperwa ya li dijî azadiya xweîfadekirinê ye. Her wiha biryara AYM’ê ya ji bo Bîrgunê hate bibîrxistin.&nbsp;

	&nbsp;

	WEZARETÊ BIRYAR PARAST

	&nbsp;

	Di biryarê de cih da nêrîna Wezareta Dadê jî. Wezaretê biryara astengkirinê parast û got: “Biryar, di demeke ku propaganda û dezenformasyon zêde hatine kirin de hatiye dayîn. Saziyên dewletê hedef hatine girtin. Dema biryarên dadgehan tên nirxandin, divê ev yek li ber çavan bê girtin.”&nbsp;

	&nbsp;

	BIRYARA BINPÊKIRINÊ

	&nbsp;

	AYM’ê bi piraniya dengan biryar da ku bi astengkirina nûçeyê re xalên 26 û 28 ên Destûra Bingehîn ku mafên xweîfadekirin û azadiya çapemeniyê diparêzin hatine binpêkirin. AYM’ê ji bo encamên binpêkirinê ji holê bê rakirin û darizandin jinûve bê kirin dîsa li 5’emîn Dadgeriya Cezayên Sulhê ya Enqereyê vegerand. Lê di heman demê de AYM’ê daxwaza tazmînatê red kir.&nbsp;

	&nbsp;