
Dadgehê biryar da ku rewşa ‘taloqkirina înfazê’ ya ji bo Ozkan bidome 

2023-11-09 15:06:15


	&nbsp;

	EDENE - Ji ber pirsgirêkên tenduristiyê înfaza Mehmet Emîn Ozkan ji bo 3 mehan hatibû taloqkirin. Rapora nexweşxaneyê ya “Nikare di girtîgehê de bijî” pêşkeşî dadgehê hate kirin. Dadgehê biryar da ku rewşa “taloqkirina înfazê” bidome.

	&nbsp;

	Mîrlîwa Bahtiyar Aydin di sala 1993’yan de li navçeya Licê ya Amedê hatibû kuştin û Mehmet Emîn Ozkan (84) bi îdiaya kuştina Aydin hatibû girtin. Ozkan, ku 27 salan di girtîgehê de ma, ji ber rapora “nikare di girtîgehê de bimîne” înfaza wî ji bo 3 mehan hatibû taloqkirin. 31’emîn danişîna doza Ozkan a di çarçoveya jinûvedarizandinê de li 7’emîn Dadgeha Cezayên Giran a Edeneyê hate lidarxistin. Ozkan, ji ber pirsgirêkên xwe yên tenduristiyê nekarî tev li danişînê bibe. Ji parêzerên Şaxa Komeleya Mafên Mirovan (ÎHD) a Edeneyê Yasemîn Dora Şeker di danişînê de amade bû.&nbsp;

	&nbsp;

	RAPORA NEXWEŞXANEYÊ: NIKARE JIYANA XWE BIDOMÎNE&nbsp;

	&nbsp;

	Parêzer Şekşer, “Rapora Lijneya Tenduristiyê ya Rewşa Radigihîne” ya di 10’ê cotmehê de ji Nexweşxaneya Perwerde û Lêkolînê ya Gazî Yaşargîl a Amedê hatiye wergirtin pêşkeşî dadgehê kir. Di raporê de nexweşî û rewşa Ozkan bi berfirehî hate vegotin û hat gotin ku nikare bi tena serê xwe li girtîgehê bijî û hat destnîşankirin ku divê cezayê wî were taloqkirin.&nbsp;

	&nbsp;

	JI BO MUTALAAYÊ DEM HAT XWESTIN

	&nbsp;

	Dozger, ji bo mutalaaya xwe pêşkeşî dadgehê bike dem xwest. Parêzer Şeker jî bal kişand ser rapora Nexweşxaneya Perwerde û Lêkolînê ya Gazî Yaşargîl a Amedê ji bo Ozkan amade kiriye.&nbsp;

	&nbsp;

	‘JI BO BERAETÊ HEMÛ MERC GUNCAV IN’&nbsp;

	&nbsp;

	Parêzer Şeker, anî ziman ku tenduristiya Ozkan ji bo girtîgehê guncav nîne û wiha got: “Di raporê de rewşa Ozkan hatiye vegotin. Divê nekeve girtîgehê.” Şeker bal kişand ser doza li 1’emîn Dadgeha Cezayên Giran a Îzmîrê didome û wiha pê de çû: “Di vê rewşê de hewcehiya we bi biryareke derheqê esasê de nîne. Ji bo biryara beraetê hemû merc guncav in.”&nbsp;

	&nbsp;

	Şandeya dadgehê daxwaza dozger qebûl kir, ji bo Ozkan biryara “taloqkirina înfazê” da û danişîna dozê taloqî 7’ê kanûnê kir.&nbsp;

	&nbsp;