
Ji 3 zarokên di şewatê de birîndar bûn yekî jê jiyana xwe ji dest da

2023-11-14 11:20:36


	&nbsp;

	RIHA - Di jêrzemîna apartmeneke li Şirnexê de şewat derketibû û 3 zarok birîndar bûbûn. Ji zarokan yek jê li nexweşxaneya Rihayê jiyana xwe ji dest da.&nbsp;

	&nbsp;

	Di 12’ê mijdarê de li Taxa Cumhuriyetê ya Şirnexê di jêrzemîna avahiya TOKÎ’yê de ji ber sedemeke nediyar şewat derketibû. Di şewatê de 4 zarok di nav şewatê de asê mabûn û Hozan T. (14) li cihê bûyerê jiyana xwe ji dest da.&nbsp;

	&nbsp;

	Ji zarokan Umutcan Mahmût K. (15), Kenan Y. (12) û Enes U. (14) ku bi giranî birîndar bûbûn jî ji ewil rakirin Nexweşxaneya Dewletê ya Şirnexê. Piştî ku rewşa wan biran bû, bi helîkopterê sewqî Nexweşxaneya Perwerde û Lêkolînê ya Mehmet Akîf Înan a Rihayê hatin kirin.&nbsp;

	&nbsp;

	Ji zarokan Umutcan Mahmût K. tevî hemû hewldanan jî îro di danê sibehê de jiyana xwe ji dest da. Tedawiya zarokên din ên li beşa lênihêrîna awarte didome û hat zanîn ku rewşa wan giran e.&nbsp;