
Di doza ‘mala biewle’ de biryara beraetê 

2023-11-14 11:43:16


	&nbsp;

	&nbsp;

	AMED - Mizgîn Karataş a ku li ser îdiaya “mala wê malek biewle ye” ya Umît Akbiyik der barê wê de doza “endamtiya rêxistinê” hatibû vekirin, beraet kir.&nbsp;

	&nbsp;

	Şahidê eşkere Umît Akbiyik li ser sedan kesan îfade da û di 25’ê nîsanê di çarçoveya îfadeyên wî de li 21 bajaran bi awayekî hemwext bi ser malan de hate girtin. Yek ji kesên hatibû girtin jî Mizgîn Karataş bû û ew di danişîna ewil a dozê de ku 5’ê cotmehê hatibû lidarxistin, hatibû berdan. Danişîna doza Karataş îro li 4’emîn Dadgeha Cezayê Giran a Amedê berdewam kir. Karataş beşdarî danişînê nebû û parêzerê wê Hasan Yalçin di danişînê de amade bû.&nbsp;

	&nbsp;

	Hasan Yalçin da zanîn ku di dosyeyê de tenê îfadeyên Umît Akbiyik ê ku ji qanûna poşmantiyê sûdê wergirtiye hene û îfadeyên şahid ên di dema lêpirsînê û di dema dadgehê de daye hev nagirin û bi nakokî ne.&nbsp;

	&nbsp;

	Yalçin bal kişand ser gotina Akbiyik ku ji bo miwekîla wî gotiye, “mala wê malek biewle ye” û wiha got: “Şahid dibêje ku li wê malê civîn li dar xistine, di wê dîrokê de miwekîla min ne li malê bûye û li wê malê îqamet nekiriye. Îfadeyên şahid ku li ser mala miwekîla min daye, ev îfade di warê hiqûqî de bê palpişt e.”&nbsp;

	&nbsp;

	Dadgehê bawerî bi wê yekê anî ku Karataş sûc nekiriye û biryara beraeta wê da.&nbsp;

	&nbsp;