
Bi govend û stranan ji bo ‘Meşa Azadiyê’ bi rê ketin 

2023-11-18 15:16:41


	&nbsp;

	ÊLIH /SÊRT - “Meşa Azadiyê” ya bi daxwaza tecrîda li ser Rêberê PKK’ê Abdullah Ocalan ku hevdîtina parêzer û malbata wî tê astengkirin, were rakirin û azadiya wî ya fîzîkî were pêkanîn her ku diçe berfirehtir dibe.&nbsp;

	&nbsp;

	Çalakvanên “Meşa Azadiyê” ya ber bi navçeya Gemlîka Bûrsayê ve ku ji wir diçin Girava Îmraliya Rêberê PKK’ê Abdullah Ocalan 25 sal in lê tê ragirtin, ji Êlih û Sêrtê bi rê ketin. &nbsp;

	&nbsp;

	Welatiyên ji bo meşê ji Êlihê ketine rê, li herêma 3 Yolê hatin cem hev. Welatî li vir, di dema bendawariya haziriyên meşê de stran gotin û govend gerandin. Di wan kêliyan de bi piranî dirûşmeyên “Bê serok jiyan nabe”, “Bijî Serok Apo” hatin berzkirin.&nbsp;

	&nbsp;

	Piştî ku hazirî hatin temamkirin, welatî li wesayîtên xwe siwar bûn û ber bi navenda Amedê ve ketin rê.&nbsp;

	&nbsp;

	XWESTIN ‘MEŞA AZADIYÊ’ ASTENG BIKIN

	&nbsp;

	Li Sêrtê jî wesayîtên welatiyên ji bo Meşa Azadiyê ketine rê, di derketina bajêr de hatin astengkirin. Welatî rêgirtina derveyî hiqûqî ji rayedaran pirsîn û polîsan bi devkî vê bersiv “Ferman wiha ye” da çalakgeran. &nbsp;

	&nbsp;

	Welatiyên bertek nîşanî rewşê dane, helwesteke bibiryar nîşan dan. Welatiyên nêzî 2 saetan li ser rê hatine astengkirin, piştî destûrê dîsa ber bi Amedê ve ketin rê.&nbsp;

	&nbsp;