
Rapora mafên zarokan a ÎHD’ê: Herî kêm 191 zarok binçavkirin

2023-11-20 15:24:55


	&nbsp;

	&nbsp;

	AMED - Di rapora ÎHD’ê ya “Binpêkirinên Mafên Zarokan a 2022-2023’yan a Herêma Bakurê Kurdistanê” de hat destnîşankirin ku, di encama binpêkirinên mafên &nbsp;azadî û ewlehiya zarokan de, herî kêm 191 zarok hatin biçavkirin û ji wan 3 zarok hatin girtin.

	&nbsp;

	Şaxa Komeleya Mafên Mirovan (ÎHD) a Amedê, têkildarî 20’ê Cotmehê Roja Mafên Zarokan a Cîhanê di avahiyê şaxa komeleyê de rapora xwe ya “Binpêkirinên Mafên Zarokan a 2022-2023’yan a Herêma Bakurê Kurdistanê”, bi daxuyaniyekê eşkere kir. Di daxuyaniyê de rêvebera ÎHD’ê Jiyan Ormanli axivî û balê kişand ser binpêkirina mafên zarokan. Ormanli destnîşan kir ku armanca Peymana Mafên Zarokan a bingehîn ew e ku zarokên di nava civakê de herî zêde mûhtacî parastinê ne, ji şer, xizanî, nexweşî û rewşên awarte parastin e.&nbsp;

	&nbsp;

	Ormanli anî ziman ku hêj jî aqûbeta gelek zarokên malbatên xwe di erdheja 6’ê Sibatê ya Mereşê de winda kirine, nayê zanîn.

	&nbsp;

	Ormanli binpêkirina mafên zarokan ên sala dawî de pêk hatine, wiha rêz kir:&nbsp;

	&nbsp;

	&nbsp;“* Li herêmê bi destê polîs û cendirmeyan 3 zarok hatin kuştin.&nbsp;

	&nbsp;

	* Ji binpêkirin/xeletiyên saziyên fermî 4 zarokan jiyana xwe ji dest dan, 254 zarok jî bi awayên cuda birîndar bûn.&nbsp;

	&nbsp;

	* Di teqîna mayîn û teqemeniyên li herêmên lê pevçûn çêbûne de, 3 zarok bi giranî birîndar bûn.&nbsp;

	&nbsp;

	* Li bajarên bakurê Kurdistanê 19 zarok bi awayekî guman jiyana xwe ji dest dan. Bajarên ku herî zêde zarok bi awayeke guman jiyana xwe ji dest dane wiha ne: Riha, Mêrdîn û Şirnex

	&nbsp;

	* Li bajarên bakurê Kurdistanê de 10 zarok neçarî xwe kuştinê bûn û jiyana xwe ji dest dan. 4 zarok hewl dan ku xwe bikûjin. Hewldanên xwekuştinê herî zêde li Merdînê hatin jiyîn. Zarokek jî li girtîgehê neçarî ma xwe bikuje. &nbsp;

	&nbsp;

	* 4 zarok di encama tundiya malê de jiyana xwe ji dest dan, zarokek jî birîndar bû. Herî kêm 2 zarok di nava malê de rastî destdirêjiyê hatin. &nbsp;

	&nbsp;

	* Di tundiya qada civakî de herî kêm 8 zarok jiyana xwe ji dest dan û 13 zarok jî birîndar bûn. Dîsa herî kêm 279 zarok di qada civakî de rastî destdirêjî û êrişê hatin. 4 zarok hatin revandin, 3 zarok jî neçarî fihûşê hatin kirin.&nbsp;

	&nbsp;

	* Di encama binpêkirina mafê ewlehî û azadiya zarokan de herî kêm 191 zarok hatin binçavkirin, 3 zarok hatin girtin. Di binçavkirinê de 2, di hefsê de zarokek, 16 zarok derveyî cihên binçavkirinê, bi giştî 19 zarok rastî îşkence û muamelaya xirab hatin.”

	&nbsp;

	&nbsp;

	&nbsp;