
Li Edliyeya Îzmîrê nobeta edaletê hate lidarxistin

2023-11-21 15:15:58


	&nbsp;

	ÎZMÎR - Hêzên Ked û Demokrasiyê yên Îzmîrê li dijî biryarên alîgir ên darazê, li pêşiya Edliyeya Îzmîrê nobeta edaletê li dar xistin.

	&nbsp;

	Hêzên Ked û Demokrasiyê yên Îzmîrê beriya “Meşa Demokrasiyê” ku dê di 25’ê Mijdarê de li dar bixin, &nbsp;li pêşiya Edliyeya Îzmîrê saetekê nobeta edaletê girt. Di çalakiyê de dovîzên weke “Ne skandala hiqûqê, hewldana darbeyê ye”, “Biryarên Dadgeha Destûra Bingehîn teqez in” û “Îktîdara siyasî destê xwe ji darazê bikişîne” hatin hilgirtin. Her wiha çalakvanan gelek caran dirûşmên “Zext nikarin me têk bibin”, “Heq, hiqûq, edalet” û “Bijî biratiya gelan” berz kirin.&nbsp;

	&nbsp;

	Di çalakiyê de Serokê Baroya Îzmîrê Sefa Yilmaz axivî û ev tişt anî ziman: “Dadgehên ku divê edaletê pêk bînin, hêj nikarin di navbera xwe de jî bi edalet bin. Dive daraz pirsgirêka navxweyî çareser bike. Dema dadgeh û dadger biryaran didin divê bêalî bin.”&nbsp;

	&nbsp;

	BANGA JI BO MEŞÊ

	&nbsp;

	Ji rêveberên Hejmar 6 a DÎSK Genel Îş a Îzmîrê Deger Yildiz jî bertek nîşanî biryarên darazê da û got ku divê her kes li dijî van biryaran dengê xwe derxîne. Berdevkê Demê yê Platforma Şaxan a KESK’a Îzmîrê Mûstafa Guven jî ji bo meşa 25’ê Mijdarê bang kir.&nbsp;

	&nbsp;