
Di doza li ser îfadeya şahid hatibû vekirin de biryara yekkirina dosyayê hat dayîn 

2023-11-21 15:58:26


	&nbsp;

	&nbsp;

	STENBOL - Doza nû ya li ser îfadeyê şahidê eşkere li endamê Meclisa Ciwanan a HDP’ê yê berê Husamettîn Tanrikulu hatiye vekirin bi dosyaya li Stenbolê didomiya re kirin yek dosya.&nbsp;

	&nbsp;

	Endamê Meclisa Ciwanan a Partiya Demokratîk a Gelan (HDP) ê berê Husamettîn Tanrikulu di 3’yê îlona 2022’yan di çarçoveya lêpirsîna Serdozgeriya Komarê ya Stenbolê de hatibû binçavkirin. Wezîrê Karên Hundir ê demê Suleyman Soylu jî Tanrikulu weke hedef nîşan dabû derheqê wî de bi îdiaya “Endamtiya rêxistinê” doz hatibû vekirin. 6’emîn danişîna dozê li 29’emîn Dadgeha Cezayên Giran a Edliyeya Stenbolê hate lidarxistin. Tanrikulu û parêzera wî Nagehan Avçîl di danişînê de amade bûn.&nbsp;

	&nbsp;

	ÎDIANAMEYA NÛ BI DOSYAYA YA HEYÎ RE KIRIN YEK&nbsp;

	&nbsp;

	Li ser îfadeyên şahidê eşkere Umît Akbiyik, bi îdiayên “Endamtiya rêxistinê” “Ziyangihandina mal” û “Madeyên talûke li cem xwe girtiye” derheqê Tanrikulu de dozeke nû hatibû vekirin û îdianame hate amadekirin. Dadgehê, îdianameya nû li gel dosyaya heyî re kir yek dosya.&nbsp;

	&nbsp;

	‘BILA DARIZANDIN LI AMEDÊ BIDOME’

	&nbsp;

	Tanrikulu di danişînê de got ku piştî hevdîtina bi parêzera xwe re dixwaze parastina xwe bike. Parêzer Nagehan Avçil jî xwest darizandina bi îdiayên “Endamtiya rêxistinê”, “Zirargihandina mal” û “Li cem xwe madeyên talûkey girtiye” li Amedê bidome.&nbsp;

	&nbsp;

	DANIŞÎN HATE TALOQKIRIN

	&nbsp;

	Dadgehê daxwazên parêzer qebûl kir, biryar da ku rewşa girtî ya Tanrikulu bidome û danişîn taloqî 15’ê sibata 2024’an kir.&nbsp;

	&nbsp;