
Doza li Komîteya Amadekar a Newrozê hatibû vekirin hat taloqkirin 

2023-12-01 14:00:18


	&nbsp;

	AMED &nbsp;- Danişîna doza endamên Komîteya Amedekar a Newroza 2021’an a Amedê hate taloqkirin.&nbsp;

	&nbsp;

	Bi hinceta pankart, dovîz, afîş û stranên di Newroza 2021’an a Amedê de hatin vekirin, bi îdiaya “Muxalefeta li dijî qanûna hejmar 2911” li endamên Komîteya Amadekar a Newrozê doz hatibû vekirin. Danişîna dozê li 5’emîn Dadgeha Cezayên Giştî ya Amedê hate lidarxistin. Serokê Komîteya Amedkar a Newrozê Îrfan Soner û endamên komîteyê Hanîfe Kardaş, Mehmet Bakir û Zelal Bîlgîn tev li danişînê nebû. Yûsûf Acar ku ji dosyayeke din girtî ye, bi rêya SEGBÎS’ê tev li danişînê bû.&nbsp;

	&nbsp;

	Ji endamên komîteyê parêzer Serhat Ozdemîr di Erdheja Mereşê de jiyana xwe ji dest dabû lewma doza wî ketibû.&nbsp;

	&nbsp;

	Yûsûf Acar, di danişînê de got ku tu tiştekî li îfadeyên xwe yên berê zêde bike nîne û xwest ji danişînan vareste bike û beraet bibe. Parêzera Zelal Bîlgîn, Sîdar Gumuş jî da zanîn ku dê piştî mutalaayê parastina xwe bikin.&nbsp;

	&nbsp;

	Şandeya dadgehê biryar da ku Acar ji danişînan bê varestekirin, biryara girtina Riza Barût bi cih bê û danişîna dozê taloqî 13’ê adara 2024’an kir.&nbsp;

	&nbsp;