
Li Amedê keyayek kuştî hate dîtin 

2023-12-04 16:15:59


	&nbsp;

	AMED - &nbsp;Keyayê bi navê Yilmaz Koca li Amedê bi awayekî kuştî hate dîtin. Hat îdiakirin ku Koca întîhar kiriye.&nbsp;

	&nbsp;

	Keyayê gundê Şêxan Dede yê navçeya Çermûg a Amedê Yilmaz Koca, hinek dûrî mala xwe di bin konê ku sewalên xwe lê dihêlan bi awayekî kuştî hate dîtin. Li gorî îdiayan; Koca ji bo alifî bide sewalên xwe çû konê. Koca demekî dirêj venegeriya malê û endamên malbatê jî ketin nava gumanan. Dema endamên malbatê di saetên serê sibehê de çûn konê, dîtin ku guleyek li serê Koca ketiye û miriye.&nbsp;

	&nbsp;

	Li ser îxbarê, komên tenduristiyê û cendirmeyan li cihê bûyerê hatin veguhestin. Komên tenduristiyê yên hatin cihê bûyerê diyar kirin ku Koca jiyana xwe ji dest daye. Ji bo “Mirina teqez” a Koca, cenazeyê wî şandin Saziya Tipa Edlî (ATK) ya Amedê û derheqê bûyerê de lêpirsîn hate destpêkirin.&nbsp;

	&nbsp;

	Çavkaniyên herêmî îdia kirin ku Koca bi çeka xwe întîhar kiriye.&nbsp;

	&nbsp;