
Der barê êrişa çekdarî ya li hemberî rêveberê DEM Partiyê agahiyên nû 

2023-12-11 17:44:25


	ŞIRNEX - Hat îdiakirin ku êrişkarên bûyera kuştina rêveberê Rêxistina DEM Partiyê ya Sêgirkê Ahmet Gun cerdevan in.&nbsp;

	Li gundê Taloka y QIleban a Şirnexê Endamê Meclisa Şaredariyê ya Sêgirkê û Rêveberê Rêxistina Partiya Wekhevî û Demokrasiyê ya Gelan (DEM Partî) ya Sêgirkê Ahmet Gun û kurê wî Abdûrrahîm Gun, danê sibehê rastî êrişeke çekdarî hatin. Bav Gun li cihê bûyerê jiyana xwe ji dest da û kurê wî jî li nexweşxaneyê tê dermankirin.&nbsp;

	&nbsp;

	Hat îdiakirin ku bav û kur di hundirê wesayîtê de rastî êrişa çekdarî hatine. Lê der barê bûyerê de agahiyên nû derketin holê. Li gor agahiyên bi dest ketin; Ahmet Gun, tevî kurê xwe Abdûrrahmîm Gun û biraziyê xwe Mahmût Gun ji bo êzinfan çûne nav eraziyekî beyar ê li derveyî gund. Di vê navberê de hin kesan pêşiya wan girtiye. Paşê bav, kur û birazî rastî êrişa çekdarî hatine.&nbsp;

	&nbsp;

	Bav Gun li cihê bûyerê jiyana xwe ji dest daye. Kur Abdûrrahîm Gun jî ji nigê xwe birîndar bûye û leşkerên hatine cihê bûyerê ew rakirina Nexweşxaneya Dewletê ya Şirnexê.&nbsp;

	&nbsp;

	Piştî vekolîna li cihê bûyerê cenazeyê Gun jî sewqî morga Nexweşxaneya Dewletê ya Şirnexê hat kirin.&nbsp;

	&nbsp;

	TÊ GOTIN KU CERDEVANAN ÊRIŞ KIRIYE

	&nbsp;

	Nehat hînkirin ku bê nîqaş ji ber çi çêbûye. Lê belê hin çavkaniyên ku me hevdîtin bi wan re kir, derpêş kirin ku yên êrişî bav û kur kirine cerdevan in.&nbsp;

	&nbsp;

	Cenazeyê bav Gun piştî karên otopsiyê dê li Sêgirkê bê definkirin.&nbsp;

	&nbsp;

	Hat hînkirin ku têkildarî bûyerê lêpirsîn hatiye destpêkirin.&nbsp;