
Di 10 mehan de ji bo Komîsyona Mafên Mirovan nêzî 2 hezar serlêdan hatin kirin

2023-12-16 14:05:33


	&nbsp;

	ENQERE- Di 10 mehên ewil ên sala 2023’yan de ji bo Komîsyona Lêkolînkirina Mafên Mirovan a Meclisê hezar û 975 serlêdan hatin kirin. Ji serlêdanan hezar û 317 jê ji girtîgehan hatine kirin.&nbsp;

	&nbsp;

	Hejmara serlêdanên di sala 2023’yan de ji bo Komîsyona Lêkolînkirina Mafên Mirovan a Meclisê (ÎHÎK) hatine kirin diyar bû. Parlamentera Partiya Wekhevî û Demokrasiyê ya Gelan (DEM Partî) Newroz Uysal Aslan têkildarî mijarê bi daxwaza ku Serokê Meclisê Nûman Kurtulmuş bibersivîne, di 5’ê cotmehê de pêşnûmepirsek da Serokatiya Meclisê.&nbsp;

	&nbsp;

	Li şûna Kurtulmuş, Serokwekîlê Meclisê Bekir Bozdag bersiva pirsan da.&nbsp;

	&nbsp;

	HEZAR Û 975 SERLÊDAN HATINE KIRIN

	&nbsp;

	Di bersivê de hat destnîşankirin ku di navbera 1’ê çileyê û 18’ê cotmehê de bi giştî hezar û 975 serlêdan ji bo ÎHÎK’ê hatine kirin û ji van serlêdanan hezar û 317 jê derheqê girtîgehan de ne.&nbsp;

	&nbsp;

	Li gorî daneyên têkildarî mijarên serlêdanan; 43 serlêdan nehatin girtin, 258 jê tekildarî helwest û kirariyên keyfî, 122 jê têkildarî başkirina mercên fîzîkî, 103 jê têkildarî miameleya xerab, 155 jê têkildarî pirsgirêkên di dema neqilkirinê, 166 jê jî têkildarî pirsgirêkên tenduristiyê ne.&nbsp;

	&nbsp;

	Li gorî daneyan; 6 jê têkildarî îşkenceyê, 181 têkildarî nerazîbûnên li dijî biryarên darazê, 12 jê ji bo taloqkirina ceza û 49 jê jî ji bo tehliyekirina bişert hatine kirin.&nbsp;

	
	

	&nbsp;

	ÎHÎK’Ê BERSIV NEDA SERLÊDANAN

	&nbsp;

	Di bersiva pêşnûmepirsê de hat destnîşankirin ku ÎHÎK’ê ji van serlêdanan tenê bersiva 975’an da ye.&nbsp;

	&nbsp;

	

	&nbsp;

	

	&nbsp;