
ROJEVA 17'Ê KANÛNA 2023'YAN

2023-12-17 09:00:20


	&nbsp;

	* Hevserokê Rêxistina DBP'ê yê Amedê Mehmet Şîrîn Gurbuz diyar kir ku kampanyaya "Ji Abdullah Ocalan re azadî, jı pirsgirêka kurd re çareseri" dewam dike û got ku ji bo nêvengeke demokratîk û erdnîgariyeke jiyanbar divê tecrîd bê şikandin.&nbsp;

	&nbsp;

	* Eylem Yavûz ku bi pitika xwe ya 4 mehî re beşdarî Nobeda Edaletê bû got: "Ev mesele ne tenê pirsgirêka girtiyan e, pirsgirêka me hemûyan e."

	&nbsp;

	* Jinên ku bi kurdî, tirkî û erebî ji bo bernamzetiya hilbijartinên xwecihî bang kirin, ev peyam dan: "Em dixwazin xwe û bajarê xwe bi rê ve bibin."

	&nbsp;

	* Tûfan Îlbaş ê ku li Girtîgeha Hejmara 2 a Tekîrdagê girtî ye, ragihand ku girtî Bezat Fîrîk ê sewqî edliyeyê hat kirin, ji ber ku pişta xwe spartiye amûra germkirinê ya kalorîferê 2 hezar lîre cezayê pereyî lê hatiye birîn û got ku nameyên ku ji Rêberê PKK'ê Abdullah Ocalan re şandine jî hatine desteserkirin.&nbsp;

	&nbsp;

	* Derket holê ku şaredariyê der barê Cîgirê Şaredarê Şaredariya Êlihê Metîn Gurbuz ê ku bû sebeba mirina karkerekî, agahiyên şaş hem daye wezaretê hem jî midûriyeta polîsan.&nbsp;

	&nbsp;

	* Di Fûara Pirtûkan a Mezopotamyayê de dê têkildarî pirtûka “BÎRGEH - Bellek Almanağı” de panelek bê lidaxistin.” (11.00)

	&nbsp;

	* Hevdîtinên Bûdçeya Navendî ya Sala 2024’an dê li Lijneya Giştî ya Meclisê bidomin. (11.00)

	&nbsp;

	* Çalakiya Nobeta Edaletê ya li Amed, Wan, Stenbol, Edene û Mersînê bidome. (11.00-17.00)

	&nbsp;

	* Rêxistina DEM Partiyê ya Îzmîrê dê bi tevlibûna Hevserokê Giştî Tuncer Bakirhan li Eywana Sporê ya Fuat Celal Atîk Kongreya Awarte li dar bixe. (12.00) ZINDÎ&nbsp;

	&nbsp;

	* Hevseroka Giştî ya DEM Partiyê Tulay Hatîmogûllari dê tev li Kongreya Bajar a Kocaeliyê ya partiya xwe bibe. (12.00)

	&nbsp;

	* Şaxa ÎHD’a Stenbolê dê bi boneya Hefteya Mafên Mirovan li avahiya komeleyê çalakiyê li dar bixe. (13.00-18.00)

	&nbsp;

	* Platforma Ked û Demokrasiyê ya Amedê dê têkildarî êrişên di demên dawî de di şexsê Şêx Seîd de li gelê kurd tên kirin, li Qada Şêx Seîd daxuyaniyê bide. (13.00) &nbsp;

	&nbsp;

	* Meclisa Ciwanan a DEM Partiyê dê ji bo bangawaziya tevlibûna kongreya xwe li Amedê belavokan belav bike. (14.00)

	&nbsp;

	&nbsp;