
Ji bo mitehitên avahiya ku 38 kes tê de miribûn ceza hat xwestin 

2023-12-22 14:14:11


	&nbsp;

	AMED - Di erdhejê de 38 welatî di Apartmana Dundar a li Amedê de jiyana xwe ji dest dabûn. Di dozê de ji bo her mitehitekî 22 sal û 6 meh cezayê hefsê hate xwestin.&nbsp;

	&nbsp;

	Di erdhejên navenda wan Mereşê de Apartmana Dundar a li Taxa Şehîtşamîl a navçeya Rezan a Amedê jî hilweşiya û 38 welatiyan jiyana xwe ji dest dan. Derheqê bûyerê de li mitehit Îlhamî Dundar û Sercan Erbey doz hatibû vekirin. Mitehit, bi sûcên “Bi qisûra xwe bûne sedema mirin û birîndarbûna gelek kesan” girtî tên darizandin û ji bo her yekî 22 sal û 6 meh cezayê hefsê dihat xwestin. Danişîna dozê li 8’emîn Dadgeha Cezayên Giran a Amedê hat lidaxistin. Dundar û Erbey bi rêya Pergala Deng û Dîmen (SEGBÎS) tev li danişînê bûn. Bersûcê negirtî tê darizandin Seydo Bozkaya û gilîker jî di danişînê de amade bûn.&nbsp;

	&nbsp;

	MITEHITAN HEVDU SÛCDAR KIRIN

	&nbsp;

	Mitehitê ewil ê avahî Sercan Erbey di parastina xwe de got ku piştî qata 4’emîn a avahî îflas kiriye û lewma avahî dewr kiriye. Erbey, îdia kir ku di qatên çêkirî de tu qisûr nehatine dîtin û mitehit Îlhamî Dundar sûcdar kir. Îlhamî Dundar jî îdia kir ku dema bîna dewrgirtî, înşaeta derve xelas bûbû û wî tenê qata 10’emîn û karên din ên hundir çêkirine.&nbsp;

	&nbsp;

	Seydo Bozkaya jî îdia kir ku di çêkirina avahî de tu eleqeya wî nîne û li beramberî mal û kargehê wî erdê xwe daye û mitehitê avahî yê ewil piştî çêkirina çendek qatan avahî dewr kiriye. Bozkaya, got ku nayê bîra wî bê ka piştî çend qatan hatiye dewrkirin.&nbsp;

	&nbsp;

	Gilîkeran jî di îfadeyên xwe de xwestin tevahiya bersûcan bên cezakirin.&nbsp;

	&nbsp;

	Parêzerên bersûcan jî diyar kirin ku ji ber hilweşînê divê tenê miwekîlên wan neyên sûcdarkirin, qisûra hemû saziyên venêrînê jî tê de heye û daxwaza tehliye û beraeta miwekîlên xwe kirin.&nbsp;

	&nbsp;

	DOZGER BI DAXWAZA CEZA MUTALAA DA&nbsp;

	&nbsp;

	Piştî parastin û îfadeyên şahidan, dozgeriyê mutalaaya xwe da dadgehê. Di mutalaayê de dozger xwest ku cuda cuda li Erbey û Dundar ji ber sûcê “Bi qisûra xwe bûne sedema mirin û birîndarbûna gelek kesan” ceza were dayîn. Dozger, beraeta Seydo Bozkaya kir û xwest rewşa girtî ya bersûcan bidome.&nbsp;

	&nbsp;

	BIRYARA DOMANDINA REWŞA GIRTÎ&nbsp;

	&nbsp;

	Dadgehê ji bo parastinê heta rûniştineke din dem da parêzerên bersûcan, biryara domandina rewşa girtî ya bersûcan da û danişîn taloqî 13’ê adarê kir.&nbsp;

	&nbsp;