
Bûyerên di 22-23’yê kanûnê de qewimîn 

2023-12-24 10:28:53


	&nbsp;

	NAVENDA NÛÇEYAN - Piştî ku di pevçûnên li Xakûrkê, Metîna û Zapê gelek leşker hatin kuştin, dewleta tirk careke din bi balafirên şer êrişî binesaziya bajarên Bakur û Rojhilatê Sûriyeyê kir.&nbsp;

	&nbsp;

	Şer û pevçûnên li herêm Zap, Metîna û Avaşîn ên Herêma Federe ya Kurdistanê berdewam in. Di 22-23’yê kanûnê de pevçûnên dijwar qewimîn. Wezareta Parastinê ragihand ku di pevçûnên 22’yê kanûnê yên li Xakûrkê de 6 leşker hatine kuştin û 7 leşker jî birîndar bûne. Her wiha ragihand ku di 24’ê kanûnê de jî li Metînayê pevçûn derketiye û 6 leşker hatine kuştin û 6 leşker jî birîndar bûne.&nbsp;

	&nbsp;

	Mîna her carê, îcar jî piştî pevçûn dijwar bûn bajarên Bakur û Rojhilatê Sûriyeyê hedef hatin girtin. Balafirên şer gelek deverên bajarên Tirbêspiyê û Dêrikê hedef girtin. Di nava cihên hedef hatine girtin de stasyonên petrolê û santralên avê jî hebûn.&nbsp;

	&nbsp;

	GULER DAXUYANÎ DA

	&nbsp;

	Wezîrê Parastinê Yaşar Guler piştî êrişan daxuyanî da û bîlançoya 2 rojan ragihand. Guler, îdia kir ku “qebîliyeta liv û tevgerê” ya rêxistinê hatiye ber asta bidawîbûnê û got: “Operasyon dê bênavber bidomin.” Guler, bi domdarî îdia kir ku di pevçûnan de 25 endamên PKK’ê “hatine bêbandorkirin.”&nbsp;

	&nbsp;

	DAXUYANIYA HPG’Ê: 67 LEŞKER HATIN KUŞTIN&nbsp;

	&nbsp;

	HPG’ê têkildarî pevçûnên 22-23’yê kanûnê de daxuyanî da. Li gorî daxuyaniya ji hêla ANF’ê ve hatiye weşandin; di pevçûnên li Xakûrkê de 27 leşker hatine kuştin û girê ku leşker lê bûn jî ketiye bin kontrola wan. Di heman demê de hat destnîşankirin ku gelek çek û techîzata leşkerî hatiye desteserkirin. Di daxuyaniyê de hat ragihandin ku di pevçûnên li Metînayê de jî 9 leşker hatine kuştin.&nbsp;

	&nbsp;

	Di daxuyaniya îro li ser ANF’ê hatiye weşandin de jî têkildarî pevçûnên li Zapê agahî hatin dayîn. Hat gotin ku di pevçûnên li Zapê de 34 leşker hatine kuştin.&nbsp;

	&nbsp;

	Her wiha hat ragihandin ku di pevçûnan de 3 endamên HPG’ê jiyana xwe ji dest dane.&nbsp;

	&nbsp;