
‘Em ê daxwaza azadiya Abdullah Ocalan bidomînin’ 

2023-12-28 16:09:51


	&nbsp;

	NAVENDA NÛÇEYAN - Çalakvanên li Amed, Wan, Îzmîr û Mêrsînê Nobeta Edaletê didomînin, anîn ziman ku dê daxwaza azadiya Abdullah Ocalan bidomînin.&nbsp;

	&nbsp;

	Nobetên Edaletê yên di çarçoveya kampanyaya “Ji Abdullah Ocalan re azadî, ji pirsgirêka kurd re çareseriya siyasî” de li Wan, Amed, Stenbol, Îzmîr, Edene û Mêrsînê hatine destpêkirin bi serdanên piştevaniyê didomin.&nbsp;

	&nbsp;

	WAN&nbsp;

	&nbsp;

	Nobeta Edaletê ya li Wanê ku bi pêşengtiya TUHAY-DER’a Wanê li avahiya DBP’a Wanê hatiye destpêkirin di roja 24’an de berdewam kir. Rêxistina Partiya Wekhevî û Demokrasiyê ya Gelan (DEM Partî) ya Qelqeliyê, Komeleya Lêkolînên Çand, Huner û Ziman (ARSÎSA), Komeleya Lêkolînên Koçê ya Serhedê (GOÇ-DER’a Serhedê), şêniyên Taxa Hafiziye ya girêdayî navçeya Rêya Armûşê û gelek welatiyan serdana nobetê kirin.&nbsp;

	&nbsp;

	Hevserokê DEM Partiya Qelqeliyê Bûrhan Atmaca yê di daxuyaniyê de axivî, diyar kir ku polîtîkayên tecrîdê yên li ser Rêberê PKK’Ê Abdullah Ocalan û giriyan qebûl nakin û anî ziman ku divê gel li dor nobetê bibe xelek û got: “Hevalên me di girtîgehê de ne û di bin tecrîd û zextan de ne. Em weke gel divê li dora wan bibin xelek.”

	&nbsp;

	Piştî axaftinan dirûşmeya “Bijî berxwedana zindanan” hate berzkirin.&nbsp;

	&nbsp;

	MERSİN&nbsp;

	&nbsp;

	Nobeta Edaletê ya li Mêrsînê li avahiya TUAY-DER’a Çûkûrovayê hatiye destpêkirin jî di serî de Meclisa Dayikên Aştiyê bi tevlibûna gel di roja 25’an de berdewam kir. Endama Meclisa Dayikên Aştiyê Şemsa Acar a di nobetê de cih girt wiha axivî: “Armanca me ya ewil a runiştina me ya li vir Serokê me ye. Heta ku Serok û girtiyên me li wir bin em jî dê li vir vin. Heta ku em bêhnê bistînin em ê piştgiriya wan bikin. Em ê serbikevin.”

	&nbsp;

	ÎZMÎR

	&nbsp;

	Nobeta Edaletê ku Komeleya Piştevaniya bi Malbatên Girtî û Hikûmxwaran re ya EGE’yê (EGE TUHAYDER), Tevgera Jinên Azad (TJA) û malbatên girtiyan, li Nûnertiya Herêma Egeyê ya Partiya Herêmên Demokratîk (DBP) da destpêkirin di roja duyemîn de berdewam kir. Li eywana çalakiyê bi zimanên kurdî û tirkî pankartên “Tecrîd sûcê li dijî mirovahiyê ye” û “Ji bo edaletê em ê tecrîdê bişikînin, ji bo aştî û demokrasiyê em bibin dengê zindanan” hatin daliqandin. Çalakvanan pêşmalkên ku li ser “Tecrîd sûcê mirovahiyê ye” dinivîsî li xwe kirin. Rêxistinên sivîl ên civakî, nûnerên partiyên siyasî û saziyên sivîl ên civakî û gelek welatiyan serdana çalakiyê kirin.&nbsp;

	&nbsp;

	Dayika Denîz Poyraz a li avahiya HDP’a Îzmîrê hate qetilkirin, Fehîme Poyraz a di nobetê de axivî, diyar kir ku li dijî tecrîda li ser Abdullah Ocalan dest bi Nobeta Edaletê kirine û wiha got: “Destûr nayê dayîn ku birêz Abdullah Ocalan 3 sal in bi malbat û parêzerên xwe re hevdîtinê bike. Li dijî vê yekê girtiyan dest bi çalakiya gireva birçîbûnê ya dorveger kirin. Divê daxwaza girtiyan were bicihanîn û tecrîd were rakirin.”

	&nbsp;

	AMED&nbsp;

	&nbsp;

	Nobeta Edaletê ya Amedê ku bi pêşengtiya Komeleya Piştevaniya bi Malbatên Girtiyan re (TUAY-DER), li avahiya rêxistina Partiya Wekhevî û Demokrasiyê ya Gelan (DEM Partî) ya Rezanê hatiye destpêkirin, di roja 25’emîn de bi serdanên piştevaniyê berdewam kir. Rêveberên MED TUHAD-FED’ê, DEM Partiyê û dayika Cîhan Gokalp ê li Girtîgeha Ewlehiya Bilind a Hejmara 2’yan a Erziromê tê ragirtin, Bîrgul Gokalp tev li bû.&nbsp;

	&nbsp;

	Çalakvanan li eywana ku pankartên “Ji bo avakirina jiyaneke azad em tecrîdê bişikînin û deng bidin zindanan” û “Ji bo edaletê em tecrîdê bişikînin, ji bo aştiyeke civakî em ji zindanan re bibin deng” hate daliqandin” pêşmalkên li ser “Tecrîd sûcê mirovahiyê ye” dinivîsî li xwe kirin.&nbsp;

	&nbsp;

	Di dema çalakî berdewam dikir de Cîhan Gokalp bi telefonê li dayika xwe geriya. Gokalp ê anî ziman ku ji bo rakirina tecrîdê çalakiyê dikin, banga hestiyariyê li herkesê kir û wiha got: “Divê herkes li dora vê çalakiyê bibe xelek. Divê gelê me di rêya birêz Ocalan de bimeşe. Divê gelê kurd xwe nas bike. Cihê çareseriyê diyar e.”

	&nbsp;

	Dayika girtî Gokalp jî wiha got: “Heta ku tecrîd neyê rakirin û zextên li girtîgehan bi dawî nebin dê çalakiya me berdewam bike.”

	&nbsp;

	Çalakî tevahiya rojê bi klamên malbatan gotin û berzkirina dirûşma “Bijî berxwedana zindanan” berdewam kir.&nbsp;

	&nbsp;

	&nbsp;