
Nûçegihanê me Yalçin 3 roj in di bin çavan de ye

2023-12-31 18:13:18


	&nbsp;

	MELETÎ - Îfadeyên nûçegihanê me Hakan Yalçin û Baran Tûncel, Rojbîn Dogan û Siyajîn Yaman ên di bin çavan de ne hêj nehatiye wergirtin. Hate diyarkirin ku di çarçoveya lêpirsîna berdewam dike de dibe ku hejmara binçavkiriyan zêde bibe.&nbsp;

	&nbsp;

	Di çarçoveya lêpirsîna Serdozgeriya Komarê ya Meletiyê daye destpêkirin de nûçegihanê ajansa me Hakan Yalçin pêr di encama serdegirtina mala wî ya li Wanê de hate binçavkirin. &nbsp;Baran Tûncel, Rojbîn Dogan û Siyajîn Yaman ên bi Yalçin re hatine binçavkirin 3 roj in li Miduriyeta Polîsan a Meletiyê tên ragirtin.&nbsp;

	&nbsp;

	Kar û barên wergirtina îfadeyê ya li miduriyeta polîsan hêj nehatiye destpêkirin. Hata zanîn ku di çarçoveya heman lêpirsînê de Teyfîk Kanat jî 2 roj berê li Amedê hate binçavkirin û birin Meletiyê. Hate diyarkirin ku di çarçoveya lêpirsîna hatiye destpêkirin de dibe ku hejmara binçavkiriyan zêde bibe.”

	&nbsp;

	&nbsp;