
Rêveberên îranî bertekên dijwar nîşanî êrişê dan

2024-01-04 13:11:13


	&nbsp;

	NAVENDA NÛÇEYAN - Rêveberên îranî têkildarî êrişa di merasîma bîranîna Qasim Silêmanî de hatine kirin dan. Hamasê jî di daxuyaniya xwe de ji êrişê Îsraîl berpirsyar dît.&nbsp;

	&nbsp;

	Fermandarê Hêzên Qudsê yê Artêşa Muhafizên Şoreşa Îslamî Korgeneral Qasim Silêmanî di 3’yê çileya 2020’an de li Bexdayê hate kuştin. Di salvegera kuştina Silêmanî de li bajarê Kirman ê Îranê merasîma bîranînê hat lidarxistin. Di dema merasîmê de êrişên bombeyî hatin kirin û herî kêm 103 kesan jiyana xwe ji dest dan. Lê piştre ev hejmar weke 95 hate ragihandin.&nbsp;

	&nbsp;

	WEZÎRÊ KARÊN HUNDIR: DIBE KU HEJMARA MIRIYAN ZÊDETIR BIBE&nbsp;

	&nbsp;

	Wezîrê Karên Hundir ê Îranê Ahmet Vahîdî çû serdana birîndaran û daxuyanî da. Vahîdî, got ku 95 kesan jiyana xwe ji dest dane û ji 220 birîndaran gelemperî jê piştî tedawiyê ji nexweşxaneyan derketine. Vahîdî, da zanîn ku rewşa hinek birîndaran giran e û dibe ku hejmara miriyan zêdetir bibe.&nbsp;

	&nbsp;

	‘DIVÊ HEMÛ FAÎL Û RÊVEBERÊN BÛYERÊ JI XEZEBA GELÊ ÎRANÊ BITIRSIN’&nbsp;

	&nbsp;

	Bi domdarî Vahîdî got ku têkildarî êrişê xebatên hêzên ewlehiyê didomin û ev tişt anî ziman: “Dê faîlên vê çalakiya terorê, di demekî herî kin de bersiveke xurt û tund bigirin. Tevahiya faîlên vê bûyerê û rêberên wan divê ji xezeba miletê Îranê bitirsin.”&nbsp;

	&nbsp;

	HAMANEY: DÊ BEDELA WÊ GELEK GIRAN BE&nbsp;

	&nbsp;

	Rêberê olî yê Îranê Ayetullah Hamaney jî peyamek parve kir û got ku dê tehemûla leşkerên peyrewên Silêmanî tehemûla vê êrişê nekin. Hamaney got ku dê faîl bibin hedefa zext û cezayan û destnîşan kir ku dê bedela vê êrişê giran be.&nbsp;

	&nbsp;

	GELEK WELATAN PEYAMÊN PIŞTGIRIYÊ WEŞANDIN&nbsp;

	&nbsp;

	Ji Qeterê heta Umman, Rûsya, Venezuela, Irak, Sûriye, Yemen, Kuba û Almanyayê, gelek welatan têkildarî êrişê peyam parve kirin û sersaxî xwestin. Sekreterê Giştî yê NY’yê Antonio Guterres jî bi daxuyaniyekê êriş şermezar kir.&nbsp;

	&nbsp;

	DYA: EM DAXILÎ ÊRIŞÊ NEBÛN

	&nbsp;

	Berdevkê Wezareta Karên Derve yê DYA’yê Miller jî têkildarî êrişan duh daxuyanî da û got ku DYA bi tu awayî tev li vê êrişê nebûye.&nbsp;

	&nbsp;

	Serokkomarê AKP’î Tayyîp Erdogan jî li ser telefonê bi Serokwezîrê Îranê Seyyîd Îbrahîm Reîsî re hevdîtin kir.&nbsp;

	&nbsp;

	HAMAS’Ê DAXUYANÎ DA

	&nbsp;

	Hamasê jî têkildarî êrişê şevê din daxuyaniyek da. Hamasê, êriş şermezar kir û îdia kir ku her cureyên êrişên bi vî rengî xizmetê ji planên veşarî yên Îsraîlê re dikin.&nbsp;

	&nbsp;