
Rejîma Îranê nehêla cenazeyê derhênerê kurd bê definkirin 

2024-01-05 11:19:27


	&nbsp;

	NAVENDA NÛÇEYAN - Rejîma Îranê nehêla cenazeyê Derhêner Mensûr Kerîmiyan ku di encama êrişa hewayî ya dewleta tirk de hatibû qetilkirin li bajarê wî Sinê were definkirin. Cenazeyê Kerîmiyan dê li Herêma Federe ya Kurdistanê bê definkirin.&nbsp;

	&nbsp;

	Derhêner Mensûr Kerîmiyan di 26’ê kanûnê de li Bakur û Rojhilatê Sûriyeyê di encama êrişa hewayî ya dewleta tirk de hate qetilkirin. Rejîma Îranê nehêla cenazeyê Kerîmiyan li bajarê wî Sinê yê rojhilatê Kurdistanê bê definkirin.&nbsp;

	&nbsp;

	Piştî agahiya qetilkirina Kerîmiyan, malbata wî di 30’ê kanûnê de çû Bakur û Rojhilatê Sûriyeyê. Piştî merasîmê, malbatê cenaze wergirt û ber bi Herêma Federe ya Kurdistanê bi rê ket. Ji wir jî derbasî bajarê Sinê yê rojhilatê Kurdistanê bû û xwest cenazeyê zarokê xwe defin bike. Lê bi astengkirina hêzên rejîmê re rû bi rû man.&nbsp;

	&nbsp;

	Hewldanên ji bo definkirinê hefteyekê berdewam kirin lê rejîmê nehişt cenaze were definkirin. Li ser vê yekê malbata Kerîmiyan biryar da ku cenazeyê zarokê xwe li bajarê Silêmaniye yê başûrê Kurdistanê defin bike.&nbsp;

	&nbsp;

	Cenazeyê Mensûr Kerîmiyan dê di 7’ê çileyê de li Goristana Şêx Ebas bê definkirin.&nbsp;

	&nbsp;

	KERÎMIYAN KÎ YE?

	&nbsp;

	Kerîmiyan di sala 1984’an de li bajarê Sinê yê rojhilatê Kurdistanê ji dayik bû. Zêdetirî 20 sal bûn karê sînemageriyê dikir û xebatên xwe li Bakur û Rojhilatê Sûriyeyê didomand. Kerîmiyan, di encama êrişa hewayî ya dewleta tirk de hate qetilkirin.&nbsp;