
Li Mêrdînê îdiaya ‘dadgerê bi ser dibistanê de girt xwendekar dan binçavkirin’ 

2024-01-05 13:58:45


	&nbsp;

	MÊRDÎN - Hate diyarkirin ku li Mêrdînê dadgerekî li ser gilîkirina hevjîna wî ya mamoste li dibistana çûyê 3 xwendekar dane binçavkirin. Serdozgeriyê bûyer derewand. Baroya Mêrdînê jî bang li HSK’ê kir ku “kirariyên pêwîst” bidin destpêkirin.&nbsp;

	&nbsp;

	Hate îdiakirin ku li Mêrdînê mamosteyekê piştî nîqaşa bi xwendekaran re agahî daye hevjînê xwe yê dadger, hevjînê wê jî bi polîsan re çûye dibistanê û 3 xwendekar dane binçavkirin. Hate diyarkirin ku xwendekarên hatin binçavkirin jî piştî îfadeya wan a li qereqolê hatine berdan.&nbsp;

	&nbsp;

	Serdozgeriya Komarê ya Mêrdînê û Baroya Mêrdînê têkildarî bûyerê daxuyanî dan. &nbsp;

	&nbsp;

	DOZGERIYÊ KESÊN NÛÇE ÇÊKIRIN HEDEF GIRTIN&nbsp;

	&nbsp;

	Serdozgeriyê di daxuyaniya xwe de îdia kir ku nûçeyên “Dadgerê hevjînê mamosteyê bi polîsan re bi ser dibistanê de girt û xwendekar dan binçavkirin” rast nînin û dadger piştî lêpirsîna li ser giliyê hevjîna wî hate destpêkirin bi armanca piştgiriyê çûye dibistanê.&nbsp;

	&nbsp;

	Dozgeriyê da zanîn ku derbarê kesên tevî agahdarkirina wan, nûçe belavkirine de bi sûcdariya “di raya giştî de tirs û fikaran didin avakirin” lêpirsînê bide destpêkirin.&nbsp;

	&nbsp;

	BAROYÊ BANG LI HSK’Ê KIR&nbsp;

	&nbsp;

	Baroya Mêrdînê jî bang li Lijneya Dadger û Dozgeran (HSK) kir ku “kirariyên pêwîst” bidin destpêkirin. Baroyê di daxuyaniya xwe de wiha got: “Ji me re hate ragihandin ku li Mêrdînê li dibistaneke navîn piştî nîqaşa di navbera 6 xwendekaran de derket, mamosteyê bûyer ji hevjînê xwe yê weke dadger li Edliyeya Mêrdînê dixebite re ragihandiye, dadger bi gelek wesayîtên polîsan re çûye dibistane û dema derketina dibistanê de bi armanca nasnameya wan tespît bikin 3 xwendekar birine qereqolê û her 3 xwendekarên din bi malbatên xwe re çûne qereqolê.&nbsp;

	&nbsp;

	Dadgerek ji bo hevjîna xwe ya mamoste bi gelek polîsan re û dîsa polîs ji bo bûyereke wiha bi awayekî qelebalix çûne dibistanê û bi armanca tespîtkirina nasnameyan zarok birine qereqolê. Ev yek rewşa giran a daraz û hêzên ewlehiyê nîşan dide. Ev nikare bi awayekî hêsan bigirin dest. Vê pêkanînê baweriya li dadgeriyê bi awayekî giran şikandiye.”&nbsp;

	&nbsp;

	&nbsp;

	Baroyê daxuyaniya xwe bi van gotinan bi dawî kir: “Em radigihînin ku em ê vê mûameleya li dijî hiqûqê ya li zarokan hatiye kirin ji nêz ve bişopînin û her cure alîkariya hiqûqî bidin xwendekaran, rayeya darazê nikare bi awayekî keyfî were bikaranîn.”

	&nbsp;

	&nbsp;