
Berdana girtiyê nexweş Guzelaydin hate taloqkirin

2024-01-06 11:57:52


	AGIRÎ - Tevî ku 30 sal cezayê hefsê yê li girtiyê nexweş Fîkrat Guzelaydin (69) ê li Girtîgeha Panosê tê ragirtin hatiye birîn xelas bûye jî ji ber pirtûkên di serdegirtina qawişê de hatine desteserkirin nayê berdan. &nbsp;

	&nbsp;

	Girtiyê nexweş Fîkret Guzelaydin (69) ê li Girtîgeha Tîpa L a Panosa Agiriyê tê ragirtin, diviya di 30’ê kanûnê hatibûya berdan lê nehate berdan. Tevî ku 30 sal cezayê hefsê yê bi îdiaya “Yekitî û yekparebûna dewletê xera kiriye” li Guzelaydin hate birîn xelas bûye jî nayê berdan. Sedemê neberdana Guzelaydin jî kirin hin pirtûkên hefteyên borî di serdegirtina qawişê de hatine desteserkirin.

	&nbsp;

	Ji ber pirtûkên ku bi hinceta “Zanîna kurdbûn û Kurdistanîbûnê zindî dihêle” hatine desteserkirin, derbarê 50 girtiyan de lêpirsîn hate destpêkirin.&nbsp;

	&nbsp;

	Ji ber derbarê Guzelaydin jî lêpirsîn hatiye destpêkirin nehate berdan. Tevî ku di mejiyê wî de tumor heye, kezeba wî mezin dibe û nexweşiyên sinuzît, migren, ulsera mîdeyî, perçiqîna demaran, hipertansiyon pê re heye û ji sedî 10 demarên wî girtî ne jî ji aliyê Saziya Tiba Edlî (ATK) ve rapora “dikare di girtîgehê de bimîne” &nbsp;hate dayîn.&nbsp;

	&nbsp;

	MALBATA WÎ XWEST DEMILDEST WERE BERDAN

	&nbsp;

	Malbata Guzelaydin, diyar kir ku têkildarî astengkirina berdana Fikret Guzelaydin rayedarên girtîgehê tu agahiyeke zelal nedane wan. Ferdên malbatê bi lêv kirin ku Guzelaydin ê her ku diçe rewşa tenduristiya wî nebaş dibe êdî nikare di girtîgehê de jiyana xwe bidomîne û xwestin demildest were berdan.&nbsp;