
Li Dêrikê zarokek hate revandin 

2024-01-10 12:02:40


	&nbsp;

	MÊRDÎN - Xwendekara dibistana amadehî ya 16 salî S.K., ji hêla kesên tê gotin xizmên wê ne ve bi wesayîtê hate revandin.&nbsp;

	&nbsp;

	Xwendekara dibistana amadehî ya 16 salî S.K., duh di saetên êvarê de li navçeya Dêrik a Mêrdînê ji hêla xizmên xwe ve hate revandin.&nbsp;

	&nbsp;

	Li gorî îdiayê; kesên bi navên Alî K. û Diyadîn K. ku digotin mamên zarokê ne, piştî gotina “bavê te xwest ku em te bibin nexweşxaneyê” zarok li wesayîtê siwar kirin û zarok revandin. Mamosteyên ku rewş ferq kirin, li malbatê geriyan. Li ser vê yekê malbat li cendirmeyan geriyan.&nbsp;

	&nbsp;

	Komîsyona Mafên Zarokan a Baroya Mêrdînê jî têkildarî bûyerê bi cendirmeyan û dozgeriyê re hevdîtin kir. Ji bo dîtina zaroka keç xebatên lêgerînê hatin destpêkirin.&nbsp;

	&nbsp;

	Hat zanîn ku zaroka behsa xeberê beriya revandinê, ji hevalên xwe re gotiye ku ew ditirse ku bê revandin.&nbsp;

	&nbsp;