
Piştî biryara AYM’ê hate berdan: Sekinîna 4 mehan dê rê li ber mexdûriyetê veke 

2024-01-10 12:55:02


	AMED - AYM’ê sûcê “Her çend ku endamê rêxistinê nebe jî li ser navê rêxistinê sûc kiriye” betal kiribû. Bariş Onen ku ji ber vê îdiayê girtîbû, piştî serlêdanê hate berdan.&nbsp;

	Dadgeha Destûra Bingehîn (AYM) di 8’ê kanûna 2023’yan de hukmê TCK’ê yê “Her çend ku endamê/a rêxistinê nebe jî li ser navê rêxistinê sûc kiriye” betal kir. AYM’ê biryar da ku biryar 4 meh piştre bikeve meriyetê. Piştî biryara AYM’ê, gelek serlêdan ji bo dadgehên herêmî hatin kirin. Dadgehan xwe li benda 4 mehan negirtin û dest bi biryarên tehliyeyan dan.&nbsp;

	&nbsp;

	JI DADGEHÊ BIRYARA ERÊNÎ

	&nbsp;

	Welatiyê bi navê Bariş Onen jî di sala 2023’yan de bi îdiaya “Her çend ku endamê rêxistinê nebe jî li ser navê rêxistinê sûc kiriye” hatibû girtin û 8 sal û 9 meh cezayê hefsê lê hatibû birîn. Onen, piştî serlêdana parêzeran hate tehliyekirin. Parêzer Bunyamîn Şeker li ser biryara AYM’ê serî li 2’yemîn Dadgeha Cezayên Giran a Amedê da.&nbsp;

	&nbsp;

	Şeker, bal kişand ser 4 mehên AYM’ê di biryara xwe de diyar kiriye û wiha got: “Heke înfaza cezayê miwekîlê min bê domandin, dê rê li ber mexdûriyetên jêneveger veke. Lewma min xwest ku înfaza miwekîlê min bê sekinandin.”&nbsp;

	&nbsp;

	‘DÊ RÊ LI BER MEXDÛRIYETÊ VEKE’&nbsp;

	&nbsp;

	Dozgerê ku têkildarî daxwazê mutalaaya xwe amade kir, xwest ku înfaza Onen bê sekinandin. Dadgehê jî got ku heke înfaza ceza neyê sekinandin dê rê li ber mexdûriyetên jêneveger veke û biryara sekinandina înfazkirina ceza da.&nbsp;

	&nbsp;

	Dadgehê, rêya îtîraza dijber jî vekirî hişt û biryara tehliyeyê da.&nbsp;

	&nbsp;