ROJEVA 23'YÊ ÇILEYA 2024'AN 

2024-01-23 09:00:13


	 

	* Rojnameger Ferhat Çîftçî yê nexweş ku piştî 13 salan girtî ma û serbest hat berdan, diyar kir ku pirsgirêkên girtiyên nexweş gelek zêde ne û girtiyên nexweş nayên dermankirin. 

	 

	* Şevket Taş, birayê Zeynel Taşê ku dema Şaredarê Hewagê bû hat girtin û niha di Girtîgeha Yozgatê de, anî ziman ku ji ber ku birayê w di girtîgeheke dûrî wan de ye, dayika wî sal û nîveke birayê wî nedîtiye û got ku ev yek berdewamiya polîtikaya "Bila kurd dayika xwe nebîne" bi xwe ye. 

	 

	* Aktîvîsta TJA'yê ya di greva birçîbûnê de Zelal Bîlgîn, diyar kir ku Rêberê PKK'ê Abdullah Ocalan çareseriya herî rast daniye holê û got: "Dema vîna bi mîlyonan kesî dîl girtî be, ma mirov dikare behsa çareseriyê bike?"

	 

	* Endama Meclisa Dayikên Aştiyê Ayşe Taşçiyê bertek nîşanî tecrîda li ser Rêberê PKK'ê Abdullah Ocalan da û bang li gelê kurd kir ku li dijî tecrîdê li ber xwe bidin.

	 

	*  Hevseroka DFG’ê Dîcle Muftuoglû diyar kir ku bi biryareke amade re dema rewşa wê ya girtî hatiye dirêjkirin û wiha got: “Em ê dîsa gotina xwe bikin, tiştên ne xuyayî bidin xuyakirin û yên nehatine nivîsandin binivîsin.” 

	 

	* DEM Partî ji bo namzetê hevşaredariyê yê Bajarê Mezin a Amedê diyar bike dê li 17 navçeyan pêşhilbijartinê li dar bixe. (09.00-17.00) 

	 

	* Nobeta Edaletê ya ji bo Rêberê PKK’ê Abdullah Ocalan hatiye destpêkirin, li gelek bajaran berdewam dike. (11.00-17.00)

	 

	* Hevserokê Giştî yê DEM Partiyê Tûncer Bakirhan dê di Komcivîna Meclisê ya partiya xwe de geşedanên di rojevê de binirxîne. (12.45) ZINDÎ  

	 

	* Komîsyona Girtîgehan a Şaxa ÎHD’a Stenbolê rapora têkildarî binpêkirinên mafan ên li girtîgehên Herêma Marmarayê amade kiriye dê li avahiya xwe aşkere bike. (13.00)