
DEM Partiyê bernamzetên xwe yên Tarsusê da naskirin 

2024-01-24 16:16:29


	MÊRSÎN - DEM Partiyê bernamzetên xwe yên ji bo Şaredariya Tarsusê û endamên meclisê da naskirin.&nbsp;

	&nbsp;

	Rêxistina Partiya Wekhevî û Demokrasiyê ya Gelan (DEM Partî) a Navçeya Tarsus a Mêrsînê, li eywaneke dawetan a li Taxa Altaylilar a navçeyê bi şahiyekê bernamzetên xwe yên şaredariyê da naskirin. Hevserokên DEM Parrtiyê yên Mêrsînê Berdriye Kuş û Reşat Aşan, namzetên Şaredariya Akdenîzê Nûriye Arslan û Hoşyar Sariyildiz, nûnerên rêxistinên civaka sivîl û partiyên siyasî û gelek welatî tev li şahiyê bûn.&nbsp;

	&nbsp;

	Di çalakiyê de ji ewil bernamzetên şaredarî û meclisa şaredariyê hatin danasîn. Piştre jî Hevserokê DEM Partiyê yê Tarsusê Fuat Yaman axivî. Yaman, bal kişand ser zext, binçavkirin û girtinan û got ku piştevanî hêz dide wan.&nbsp;

	&nbsp;

	‘JI BO ÇARESERIYÊ DIVÊ BI ABDULLAH OCALAN RE HEVDÎTIN BÊN KIRIN’&nbsp;

	&nbsp;

	Hevserokê DEM Partiyê yê Mêrsînê Reşat Aşan jî ji ewil girtiyên bi daxwaza azadiya fîzîkî ya Abdullah Ocalan û çareserkirina pirsgirêka kurd dest bi greva birçîbûnê kirine silav kir û wiha domand: “Çareserkirina pirsgirêka kurd bi rêyên demokratîk, bi rakirina tecrîdê û azadiya Abdullah Ocalan pêkan e. Ji bo vê jî têkoşîn pêwîst e. Ji bo çareserkirina vê pirsgirêkê û pirsgirêkên li Rojhilata Navîn, divê bi Abdullah Ocalan re hevdîtin bên kirin.”&nbsp;

	&nbsp;

	Nametên DEM Partiyê yên Şaredariya Akdenîzê Nûriye Arslan û Hoşyar Sariyildiz jî gotin ku di bingeha hemû pirsgirêkên li welêt de tecrîda li Îmraliyê heye û ji bo azadiya Abdullah Ocalan bal kişandin ser têkoşîna civakî.&nbsp;

	&nbsp;

	Çalakî, bi gerandina govendê bi dawî bû.&nbsp;

	&nbsp;