
Siyasetmedar Îlbasan hate berdan 

2024-01-25 14:23:36


	&nbsp;

	AMED - Cîgira Hevseroka Giştî ya DBP’ê ya berê Zekiye Îlbasan ku di daxuyaniya têkildarî komploya navneteweyî de hatibû girtin, di danişîna ewil de hate berdan.&nbsp;

	&nbsp;

	Cîgira Hevseroka Giştî ya Partiya Herêmên Demokratîk (DBP) a berê Zekiye Îlbasan, di sala 2023’yan di 25’emîn salvegera komploya navneteweyî ya 9’ê Cotmehê de dema li Parka Koşuyoluyê ya Rezan a Amedê daxuyanî dida tevî 103 kesan hate binçavkirin û piştre hate girtin. Îlbasan, di danişîna ewil de hate berdan.&nbsp;

	&nbsp;

	'LI GORÎ QANÛNAN TECRÎD SÛC E’

	&nbsp;

	Danişîna ewil a Îlbasan ku bi îdiayên “endamtiya rêxistinê”, “bêçek tev li civîn û xwepêşandanên li dijî qanûnê bû û tevî hişyariyê jî bi xwe ji wir neçû” û “Ji bo peywirê nede kirin li ber xwe da” dihat darizandin, li 4’emîn Dadgeha Cezayên Giran a Amedê hat lidarxistin. Îlbasan, parêzerên wê Ozum Vurgun û Bedan Acun di danişînê de amade bûn. Hevseroka Giştî ya DBP’ê Çîgdem Kiliçgun Uçar û aktîvîstên Tevgera Jinên Azad (TJA) jî di danişînê de amade bûn.&nbsp;

	&nbsp;

	Îlbasan, di parastina xwe de got ku daxuyanî mafê wê yê qanûnî ye û sûc nîne. Îlbasan, wiha domand: “Daxuyanî têkildarî komploya navneteweyî û tecrîdê de bû. Jixwe li gorî qanûnên Tirkiyeyê tecrîd sûc e. Bi milyonan kes birêz Abdullah Ocalan weke îradeya xwe qebûl kiriye. Heta dewletê jî weke muxatab dît û hevdîtin pê re kir. Çima niha hevdîtin nayên kirin?”&nbsp;

	&nbsp;

	“HER KURDÊ TÊ GIRTIN DIBE ENDAMÊ RÊXISTINÊ’&nbsp;

	&nbsp;

	Îlbasan, bal kişand ser îdiaya ku bi fermana Hevserokê Konseya Rêveber a KCK’ê Cemîl Bayik tev li daxuyaniyê bûye û wiha got: “Min ji tu kesekî ferman negirtiye. Min guh da wijdana xwe û tev li bûm. Hemû hêzên ewlekariyê yên li wir baş dizanin ku min tu kes derb nekiriye. Ya din jî îdiaya endamtiya rêxistinê ye. Her kurdekî tê binçavkirin û girtin dibe endamê/a rêxistinê. Heke xwedî li ziman, nasname û çanda xwe derneketibûma dê bi vê îdiayê nehatima darizandin.”&nbsp;

	&nbsp;

	Polîsa bi navê Nirgul Şahîn ku îdia dikir Îlbasan ew derb kiriye jî tev li danişînê bû û îdia kir ku Îlbasan destê wê xêz kiriye û nayê bîra wê bê ka Îlbasan pêhn li wê daye an na.&nbsp;

	&nbsp;

	Dozger xwest rewşa girtî ya Îlbasan bidome.&nbsp;

	&nbsp;

	Parêzerên Îlbasan jî parastina miwekîla xwe kirin û xwestin ku bê tehliyekirin.&nbsp;

	&nbsp;

	BIRYARA TEHLIYEYÊ

	&nbsp;

	Şandeya dadgehê bi şertê kontrola edlî biryara tehliyeyê da û danişîn taloqî 7’ê adarê kir.&nbsp;

	&nbsp;