Meşvanên Azadiyê çûn serdana girtiyê ku 30 sal şûnde ji girtîgehê derket 

2024-02-08 20:45:47


	 

	MÊRDÎN - Meşvanên Azadiyê ku gihaştin Nisêbînê, çûn serdana girtî Omer Kiliç yê 30 sal şûnde ji girtîgehê derket.

	 

	Meşa Azadiyê ya Mezin ku ji du milan ji bo çareseriya meseleya kurd û azadiya fizîkî ya Rêberê PKK’ê Abdullah Ocalan hat destpêkirin, di roja 8’emîn de didome. Meşvanên Azadiyê li Nisêbînê bi coşeke mezin hatin pêşwazîkirin û piştî vê çûn serdana Omer Kiliç yê piştî 30 salan, di 4’ê Sibatê de ji girtîgeha Tîpa T ya Bandirmayê derket.

	 

	Omer Kiliç ku di serdanê de axivî, meşa Meşvanên Azadiyê silav kir û got ku ev meşa ji bo azadiya Abdullah Ocalan hatiye destpêkirin, gelek watedar e.

	 

	Meşvanên Azadiyê wê sibê li Artûklû ya Mêrdînê meşa xwe bidomînin.