
Meşvanên Azadiyê li Şemrexê ne: Dem dema azadiyê ye

2024-02-12 10:55:53


	&nbsp;

	MÊRDÎN - Nûnerên rêxistinên demokratîk û siyasetmedarên meşa xwe ya bi daxwaza “azadî û çareseriyê” li navçeya Şemrexê domandin, peyama “Dem dema azadiyê ye” da.&nbsp;

	&nbsp;

	Meşa Mezin a Azadiyê ya di 1’ê sibatê de bi daxwaza azadiya fizîkî ya Rêberê PKK’ê Abdullah Ocalan û çareserkirina pirsgirêka kurd bi rêyên demokratîk hatiye destpêkirin di roja 12’emîn de berdewam dike. Meşvanên ji siyasetmedar û nûnerên rêxistinên demokratîk pêk tên û di baskê Wanê de cih digirin, meşa xwe îro li navçeya Şemrexê ya Mêrdînê domandin. Meşvanan, îro li herêma çoltar a di navbera navçeyên Dêrîk û Şemrexê de dimîne dest bi meşa xwe kirin. Meşvanên demekê govend gerandin pişt re derbasî navenda bajêr bûn.&nbsp;

	&nbsp;

	PÊŞWAZÎKIRINA BI COŞ

	&nbsp;

	Meşvan, li petroleke li bajêr bi dahol û zirnê hatin pêşwazîkirin. Balkêş bû ku di nava girseyê de hejmara jinan zêde bû. Gelek kes jî bi cil û bergên xwe yên herêmî tev li pêşwazîbûnê bûn. Welatiyên qûrnefîl dan meşvanan, demekî dirêj govend gerandin.&nbsp;

	&nbsp;

	Meşvan, pişt re bi girseyê re heta qada bajêr meşiyan. Di dema meşê de dirûşmeyên “Bijî Serok Apo” , “Bê Serok jiyan nabe” û “Bijî berxwedana zindanan” hatin berzkirin. Welatiyên li ser rêya meşê bi îşaretên serkeftinê û çepikan bûn şirîkê coşa meşvanan.&nbsp;

	&nbsp;

	KOCA: MEŞA ‘ÊDÎ BESEYÊ’ YE

	&nbsp;

	Parlamentera DEM Partiyê ya Mêrsînê Perîhan Koca ya piştî meşê axivî, daxwaz anîn ziman û wiha got: “Ji bo aştiyeke mayînde ji bo wekhevî û azadiyê dimeşin. Ev meş li dijî tarîtiya faşîzmê vekirina rêya komara demokratîk e. Ji ber wê yekê meşa qewitandina tarîtiyê ye û dîtina rêyeke nû ye. Meşa gelê kurd a diyarkirina çarenûsa xwe ye. Meşa Dayikên Aştiyê ya ‘Êdî beseyê’ ye. Meşa gelê kurd a bedelên herî giran daye ye.”

	&nbsp;

	Koca, bal kişand çalakiya greva birçîbûnê ya li girtîgehên bakurê Kurdistan û Tirkiyeyê ji bo azadiya fizîkî ya Abdullah Ocalan hatiye destpêkirin û wiha berdewam kir: “Hezar silav ji greva birçîbûnê ya ji bo aştiyê bûye dengek re. Silav ji Nobetên Edaletê yên di pêşengtiya Dayikên Aştiyê de tên meşandin. Em ê aştiyê bi hev re ava bikin.”&nbsp;

	Namzetên Hevşaredariyê yên DEM Partiyê yên Şemrexê Hamdîn Demîr û Kûdret Ûçûkê jî meşvan silav kirin û gotin: “Heta ku ev pirsgirêk çareser bibe dê meş berdewam bike. Dem dema azadiyê ye.”

	&nbsp;

	Rawestgeha din a meşvanan dê bibe navçeya Xana Axpar (Çinar) a Amedê.&nbsp;

	&nbsp;