
DEM Partiyê namzetên xwe yên hevşaredariyê yên Semsûrê eşkere kir 

2024-02-14 14:47:47


	&nbsp;

	SEMSÛR - Rêxistina DEM Partiyê ya Semsûrê namzetên xwe yên hevşaredariyê yên Semsûr, navçe û bajarokên wê eşkere kir. Turkan Erkenek û Bahattîn Bîlgîn weke namzetên Şaredariya Semsûrê hatin hilbijartin.&nbsp;

	&nbsp;

	Rêxistina Partiya Wekhevî û Demokrasiyê ya Gelan (DEM Partî) a Semsûrê namzetên xwe yên hevşaredariyê yên navenda bajar, navçe û bajarokên wê eşkere kir. Ji bo eşkerekirin û danasîna namzetan li eywaneke dawetan a li Karapinarê bername hat lidarxistin. Li eywanê alên partiyê û pankarta “Rabe Dem hat” hatin daliqandin. Tevî namzetên hevşaredariyê, endamên saziyên civaka sivîl ên bajêr û gelek kes beşdarî bernameya danasînê bûn.&nbsp;

	&nbsp;

	Bername bi deqeyek rêzgirtina ji bo kesên di têkoşîna demokrasî û azadiyê de jiyana xwe ji dest dane dest pê kir. Piştre Hevserokên DEM Partiyê yên Semsûrê Yeşîm Camcî û Huseyîn Coşkun axivîn. Hevserokan di axaftinên xwe de bal kişandin ser “Meşa Mezin a Azadiyê” ku bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd bi rêyên demokratîk hatiye destpêkirin û meşvan silav kirin. Hevserokan gotin ku dê di hilbijartinên 31’ê adarê de bi ser kevin û li Semsûrê jî şaredariyên gel ava bikin.&nbsp;

	&nbsp;

	Piştî axaftinan, namzetên hevşaredariyê hatin eşkerekirin û yek bi yek hemû namzet li ser dikê hatin vexwendin.&nbsp;

	&nbsp;

	NAMZETÊN HEVŞEREDARIYÊ

	&nbsp;

	Namzetên hevşeredariyê yên Semsûrê wiha ne:

	&nbsp;

	NAVENDA SEMSÛRÊ&nbsp;

	&nbsp;

	* Turkan Erkenek

	* Bahattîn Bîlgîn

	&nbsp;

	NAVÇEYA ŞEMÎZÎNAN&nbsp;

	&nbsp;

	* Yasîn Ertan

	&nbsp;

	NAVÇEYA KOLIKÊ

	&nbsp;

	* Osman Ozbek

	&nbsp;

	NAVÇEYA SERGOLANÊ&nbsp;

	&nbsp;

	* Ergun Varhan

	&nbsp;

	NAVÇEYA BÊHIŞTÎ&nbsp;

	&nbsp;

	* Mûstafa Sular

	&nbsp;

	NAVÇEYA TÛTÊ

	&nbsp;

	* Îsmet Coşkun

	&nbsp;

	BAJAROKÊ BULAMÊ

	&nbsp;

	* Kamîle Ocak

	* Huseyîn Uzun

	&nbsp;

	BAJAROKÊ KOMIRÊ&nbsp;

	&nbsp;

	* Mahmût Kapçak

	* Bedriye Polattaş

	&nbsp;

	BAJAROKÊ BALYANÊ

	&nbsp;

	* Mehmet Kusele

	&nbsp;

	Namzetê hevşaredariyê yê Bajarê Semsûrê Bahattîn Bîlgîn di danasînê de axivî. Bîlgîn, bal kişand ser karesata erdhejê ya navenda wan Mereşê û got ku encama xemsarî û polîtîkayên îktîdarê ye. Bîlgîn, anî ziman ku ew ê hesaba vê ji berpirsyaran bipirsin.&nbsp;

	&nbsp;

	Bername piştî danasîna hevşaredaran bi dawî bû.

	&nbsp;