
Îsraîlê êrişî Nexweşxaneya Nasirê kir 

2024-02-15 08:46:48


	&nbsp;

	NAVENDA NÛÇEYAN - Di êrişa Îsraîlê ya li dijî Nexweşxaneya Nasirê ya li bajarê Han Yûnûsê de kesekî jiyana xwe ji dest da û birîndar hene.&nbsp;

	&nbsp;

	Artêşa Îsraîlê êrişî Nexweşxaneya Nasirê ya li bajarê Han Yûnûs a li bajarê Han Yûnûs ê li ser Şirîda Xezeyê kir. Hat ragihandin ku di êrişê de kuştî û birîndar hene. Li gorî nûçeya ajansa fermî ya Filistînê WAFA’yê; êriş li dijî beşa ortopediyê hate kirin û di êrişê de filîstiniyekî jiyana xwe ji dest da û hinek jî birîndar bûn. Di nûçeyê hat destnîşankirin ku hêzên Îsraîlê hinek bijîşk û hemşîreyên li nexweşxaneyê bi darê zorê derxistine û bi dehan kesên ku berê wan dabû bajarê Refahê jî binçav kirine.&nbsp;

	&nbsp;

	Her wiha di nûçeyê de hat diyarkirin ku Nexweşxaneya Nasirê ev 25 roj in di bin dorpêça artêşa Îsraîlê de ye.&nbsp;

	&nbsp;

	Di encama êrişên Îsraîlê yên ji 7’ê cotmeha 2023’yan heta niha herî kêm 12 hezar û 300 jê zarok û 8 hezar û 400 jî jê jin, bi giştî 28 hezar û 576 filistîniyan jiyana xwe ji dest dan û 68 hezar û 291 kes jî birîndar bûn.&nbsp;

	&nbsp;