
Bi deh hezaran kes komploya navneteweyî protesto dikin 

2024-02-15 12:45:13


	&nbsp;

	NAVENDA NÛÇEYAN - Li bajarên Bakur û Rojhilatê Sûriyeyê bi dehhezaran kes ji bo şermezarkirina komploya navneteweyî ya li dijî Rêberê PKK’ê Abdullah Ocalan daketin qadan û meşan li dar dixin.&nbsp;

	&nbsp;

	Bi boneya 25’emîn salvegera komploya navneteweyî ya 19’ê Sibata 1999’an a li dijî Rêberê PKK’ê Abdullah Ocalan, li bajarên Dêrik, Qamişlo, Hesekê, Kobanê, Reqwa û Herêmên Şehbayê yên Bakur û Rojhilatê Sûriyeyê bi dehhezaran kes daketin qadan û komployê şermezar dikin. Di heman demê de li taxên Şêxmeqsûd û Eşrefiyê yên Helebê jî meş tên lidarxistin. Bi dehhezaran kurd, ereb, suryan û ermen bi girseyî tev li meşan bûn.&nbsp;

	&nbsp;

	Li bajarê Dêrikê gel li Qada Azadiyê civiyan û ber bi Navenda Ciwanên Şoreşger a Sûriyeyê ve dest bi meşê kirin.&nbsp;

	&nbsp;

	Welatiyên li Xaçerêya Osman Sebrî ya Qamişloyê hatin gel hev jî ber bi Stada Şehîdên 12’ê Adarê ve meşiyan.&nbsp;

	&nbsp;

	Li Hesekê jî xelk li Xaçerêya Arîn Mîrkan kom bû. Li wir jî bi hezaran kes ber bi Xaçerêya Sebaxê ve dest bi meşê kirin.&nbsp;

	&nbsp;

	Xelkê Kobanê ji serê sibehê ve ber bi Xaçerêya Şahîd Arîn Mîrkan ve çû. Bi hezaran kesên li vir kom bûn dê ber bi dawiya kolana 48’an ve bimeşe.&nbsp;

	&nbsp;

	Şêniyên Kantona Efrîn-Şehbayê jî li navçeya Fafînê ya Şehbayê hatin gel hev.&nbsp;

	&nbsp;

	Li Helebê jî gelek kes li taxên Şêxmeqsûd û Eşrefiyeyê hatin gel hev û li pêşiya Eywana 8’ê Adarê dest bi meşê kirin. Meş dê li Xaçerêya Zeytûnê ya Taxa Eşrefiyeyê bi dawî bibe.&nbsp;

	&nbsp;

	Welatiyên Dêrazor, Minbic û Tebqayê jî li Xaçerêya Jinê ya Reqayê hatin gel hev û ber bi Xaçerêya Neîmê dest bi meşê kirin.&nbsp;

	&nbsp;