
Dayikên Şemiyê aqûbeta Aydinlar ê 30 sal in winda ye pirsîn

2024-03-02 15:22:43


	&nbsp;

	STENBOL - Dayikên Şemiyê aqûbeta xwendekarê Fakulteya Îqtîsadê ya Zanîngeha Stenbolê Cuneyt Aydinlar ê di 20’ê sibata 1994’an de di bin çavan de hate windakirin, pirsîn. Di çalakiyê de pirsa dayik Menekşe Aydinlar a “Bû 30 sal. Mafê min heye; çi li roniya çavê min hat?” dîsa hate pirsîn.&nbsp;

	&nbsp;

	Dayikên/Mirovên Şemiyê û parazvanên mafên mirovan bi daxwaza “Bila Windakirî Bên Dîtin, Faîl Bên Darizandin” careke din li Qada Galatasarayê hatin bahev. Di hefteya 988’emîn a çalakiya Dayikên Şemiyê yên wêneyên windakiriyan hilgirtin û di destên wan de qûrnefîl hebûn de aqûbeta xwendekarê Fakulteya Îqtîsadê ya Zanîngeha Stenbolê Cuneyt Aydinlar ê di 20’ê sibata 1994’an de di bin çavan de hate windakirin, hate pirsîn.

	&nbsp;

	Dayik û birayê Cuneyt Aydinlar jî tev li çalakiyê bûn.&nbsp;

	&nbsp;

	Endama Komîsyona Li Dijî Windakiriyên di bin Çavan de ya Şaxa ÎHD'a Stenbolê Sebla Arcan çîroka windakirina Aydinlar parve kir.

	&nbsp;

	BANG LI YERLÎKAYA KIR: SÎNORKIRINA LI GALATASARAYÊ RAKIN&nbsp;

	&nbsp;

	Arcan, anî ziman ku windakirina di bin çavan de sûcê herî giran ê li dijî mirovahiyê tê kirine û got: “Malbatên ku ji mafê xwe yê naskirina rastiyan bêpar hatine hiştin û serlêdanên wan bê encam hatine hiştin, ancax bi piştevaniya hev dikarin van travmayên giran derbas bikin.”

	&nbsp;

	Arcan, bi lêv kir ku bi hatina gelhev a li Galatasarayê hewl didin li dijî birînan têbikoşin û bi van gotinan bang li Wezîrê Karên Hundir Alî Yerlîkaya kir: “Gavên erênî yên ku we ber bi qedexeya Galatasarayê ve avêtin berdewam bikin; sînorkirinên li ser Galatasarayê rakin. Ji bo bi temamî biryara Dadgeha Destûra Bingehîn were pêkanîn wezîfeya xwe bi cih bînin.”

	&nbsp;

	MALBATA WÎ PIRSA ‘ÇI LI LAWÊ MINİ RONIYA ÇAVÊN MIN HAT?’ PIRSÎ

	&nbsp;

	Dayik Menekşe Aydinlar a pirsa “Bû 30 sal. Mafê min ê zanînê heye; çi li lawê min, roniya çavê min hat” careke din ji rêveberên dewletê û meqamên edlî pirs kir, ev tişt gotin: “Di salvegera windakirina wî ya di bin çavan de a 30’emîn de daxwaza xwe ya lêpirsîneke bi bandor û cezakirina faîlan careke din dubare dikin. Çend sal derbas bibin bila bibin, em ê ji bo hemû windakiriyên xwe edaletê xwazin û em ê dest jê berndin. Em ê bi bîr bixin ku dewlet neçare li gorî normên hiqûqê tevbigere.”

	&nbsp;