
Li Edeneyê hunermend bi hinceta ‘lêpirsînê’ hatin astengkirin

2024-03-09 15:10:23


	&nbsp;

	EDENE - Walîtiya Edeneyê derbarê 4 hunermendên Kolektîfa Rîtmên Azad de lêpirsînên bi îdiayên “endamtiya rêxistinê” û “propagandaya rêxistinê” hatine destpêkirin wek hincet nîşan da û derketina dika mîtinga 8’ê Adarê ya 4 hunermendan asteng kir.&nbsp;

	&nbsp;

	Platforma Jinan a Edeneyê îro di saet 15.00’an de bi diruşma “Em ê cîhaneke wekhev, adîlane, bêtundî, û bêşer ava bikin” dê ji Pira Kasim Gulek heya Qada Ûgûr Mûmcû bimeşe û li qadê mitîngekê li dar bixe. Di mitîngê de dê hunermend Yasemîn Goksu Demîr û Kolektîfa Rîtmên Azad jî derkevin ser dikê.&nbsp;

	&nbsp;

	ASTENGKIRINA HUNERMENDAN&nbsp;

	&nbsp;

	Walitiya Edeneyê piştî navên hunermendên ku derdikevin ser dike ji komîteya amadakar xwest, biryareke sosret girt. Walîtî derketina dika mitînga 8’ê Adarê yên Sevda Adirbellî, Zîlan Kaya, Hulya Dalmiş û Mehmet Veysel Kiliç ên ji "Kolektîfa Rîtmên Azad” asteng kir. Hat zanîn ku Walîtî lêpirsînên bi îdiaya “endamtiya rêxistinê” û “propagandaya rêxistinê” hincet nîşan daye. Walîtî vê biryara xwe sesret wek devkî ji komîteya amadekar re ragihand.&nbsp;

	&nbsp;

	‘EM DIJÎ BIRYARA KÊYFÎ LI QADÊ BIN’

	&nbsp;

	Endamên Kolektîfa Tîtmên Azad bertek nîşanî biryarê dan û anîn ziman ku ev nêzîkatî Walîtiya Edeneyê kêyfî ye. Endamên kolektîfê dan zanîn ku ew cara yekem rastî sepaneke wisa tên û bi bîr xistin ku berî salekê derbarê wan de lêpirsîn hatine destpêkirin û wiha gotin: “Em duh li Mêrsînê derketin ser dikê. Lê belê 80 kîlometre şûnde destûr nadin me. Em vê biryara keyfî qebûl nakin, em ê li qadê bin. Me qedexeyên li dijî zimanê kurdî duh jî dît û îro jî dibînin. Em diyar dikin ku hunermendên kurd duh çawa li ber xwe dabin dê îro jî bi heman awayî li ber xwe bidin.”&nbsp;

	&nbsp;

	MA / Hamdullah Yagiz Kesen

	&nbsp;