Li Dêrazorê 3 jinên kuvark berhev dikirin hatin qetilkirin 

2024-03-14 19:17:02


	 

	NAVENDA NÛÇEYAN - Li bejahiya başûrê Dêrezorê kesên nasnameya wan nediyar jinên ku kuvarkên çolê berhev dikirin gulebaran kirin û 3 jin hatin qetilkirin.

	 

	Li bejahiya başûrê Dêrezorê kesên nasnameya wan nediyar kesên kuvark berhev dikirin gulebaran kirin. Di gulebaranê de 3 jin hatin qtilkirin û gelek jin jî birîndar bûn.

	 

	Hat diyarkirin ku 3 jinên hatine qetilkirin ji taxa Teb El Core ya Dêrezorê ne û cenazeyên wan hê jî li bejahiya navçeya El Beşerî ya dikeve başûrê rojavayê bajêr tên hiştin.

	 

	Li gorî bîlançoya ji aliyê SOHR'ê ve hatiye amadekirin, di sala 2023’yan de bi sedan mirovên ku piraniya wan sivîl in dema kuvarkên çolê bi buhayên giran dihatin firotin berhev dikirin, di encama êrîşên çeteyên DAIŞ'ê yan jî teqîna mayinan  de jiyana xwe ji dest dane.

	 

	Li gorî SOHR’ê DAÎŞ’ê gelek caran şêniyên ku ji bo berhevkirina kuvarkan ber bi herêmên dûr ve diçin dikin hedef.

	 

	Di Sibata borî de, di encama teqîna mayina ji aliyê DAÎŞ’ê ve li çola Reqayê hatibû danîn, 13 welatiyên sivîl ku di nav wan de jin jî hebûn jiyana xwe ji dest dabûn.