
DEM Partiyê bang kir: Lijneyên hilbijartinê yên navçeyan terk nekin 

2024-03-31 21:13:22


	NAVENDA NÛÇEYAN - Hevserokên Giştî yên DEM Partiyê Tulay Hatîmogûllari û Tûncer Bakirhan ev bang kir: “Ji bo serkeftina hilbijartinê wextekî gelek kêm ma. Lê niha ne dema serkeftinê dema xwedî derketina sindoqan e.”

	Hevseroka Giştî ya Partiya Wekhevî û Demokrasiyê ya Gelan (DEM Partî) Tulay Hatîmogûllari û Tûncer Bakirhan ji bo hejmartina dengan a didome banga parastinê kir. Hevserokên Giştî yên li ser hesabên xwe yên medyaya dîjîtal daxuyanî dan, banga xwedî derketina li dengan kirin.&nbsp;

	&nbsp;

	‘EM BI ÎDIA NE, EM BI HÊZ IN’&nbsp;

	&nbsp;

	Hatîmogûllari, wiha got: “Hevrêyên rêzdar, hevalên me yên hêja ku ji bo demokrasî û aştiyê li ser sindoqan têdikoşin, ji serkeftina hilbijartinê re wextekî kêm ma. Em ê li dijî tifaqa AKP’ê û MHP’ê ya ji hîleyan sûdê digire, her cure bêhiqûqiyê dike, em ê bi awayekî herî xurt dengên xwe biparêzin. Em bi îdia ne, em bi xurt in. Em sist nebin û ser sindoqan ne terikînin.”

	&nbsp;

	‘LIJNEYÊN HILBIJARTINÊ YÊN NAVÇEYÊ NE TERIKÎNIN’&nbsp;

	&nbsp;

	Bakirhan jî wiha got: “Gelê me yê hêja, peywîrdarên me yên sindoqan ên kedkarên demokrasiyê; em weke çavê xwe li sindoqan û torbeyan xwedî derkevin. Divê agahiyên serkeftinê bi tu awayî nebin sedem bû em lijneyên hilbijartinê yên navçeyan biterikînin. Em ê bi hev re bi awayekî herî xweş serkeftinê pîroz bikin. Lê niha ne dema pîrozbahiyan e, dema xwedî derketina sindoqan e. Em bi biryar in bi hêvî ne û em ê qet sist nebin.”

	&nbsp;

	&nbsp;