
Ji bo protestokirina biryara têkildarî Zeydan bang li xelkê Wanê hat kirin 

2024-04-02 13:45:12


	&nbsp;

	WAN - DEM Partî dê biryara derheqê Hevşaredarê Bajarê Mezin a Wanê Abdullah Zeydan de protesto bike. Rêxistina DEM Partiyê ya Wanê bang li tevahiya gel kir ku bên pêşiya avahiya rêxistinê ya bajar.&nbsp;

	&nbsp;

	Biryara paşvegirtina mafên memnu ya li ser fermana Wezareta Dadê ku 5 deqe ji bo xelasbûna mesaiyê mabûn ku di roja dawî de derheqê namzetê Hevşaredariyê yê Bajarê Mezin a Wanê Abdullah Zeydan de hate girtin, li bajar rê li ber înfîalê vekir. Piştî bihîstina biryarê, welatiyan berê xwe dan avahiya Rêxistina Partiya Wekhevî û Demokrasiyê ya Gelan (DEM Partî) ya Bajar û bertek nîşan dan. Piştî civîna nirxandinê ya dirêj a li avahiya partiyê, biryara daxuyaniya çapemeniyê hate dayîn.&nbsp;

	&nbsp;

	Rêxistina DEM Partiyê ya Wanê ji bo daxuyaniya ku dê saet di 14.00’ê de were lidarxistin banga tevlibûnê li gel kir.&nbsp;

	&nbsp;

	Her wiha tê payîn ku Hevserokên Giştî yên DEM Partiyê û rêveberên partiyê jî bên Wanê.&nbsp;

	&nbsp;

	&nbsp;