
Nobeda Edaletê ya Şenyaşarê di roja 72'yan de ye 

2024-04-08 21:56:51


	ENQERE - Nobeda Edaletê ya Emîne Şenyaşarê ya li ber Wezareta Dadê, di roja 72'yan dewam kir.&nbsp;

	Parastvan û xizmên parlamenterê AKP’ê yê berê Îbrahîm Halîl Yildiz di 14’ê hezîrana 2018’an de li navçeya Pirsûs a Rihayê êrişî dikana malbata Şenyaşar kir. Di êrişê de hevjîn û du kurên Emîne Şenyaşar hatibûn qetikirin. Emîne Şenyaşar û kurê wê Parlamenterê Partiya Demokratîk a Gelan (DEM Partî) yê Rihayê Ferît Şenyaşar ku ji êrişê bi birîndarî xelas bûbû, Nobeta Edaletê veguhestibûn pêşiya Wezareta Dadê. Nobet, di roja 72’yan de dewam kir.&nbsp;

	&nbsp;

	Endamên Meclisa Partiyê ya DEM Partiyê, rêveberên DEM Partiya Enqereyê û Sevînç Çakar a ku piştî hewldana darbeyê ya 15'ê Tîrmeha 2016'an cezayê muebedê li kurê wê hat birîn, serdana Nobeda Edaletê kirin.&nbsp;

	&nbsp;

	Malbata Şenyaşarê piştî fitariyê derbasî meclisê bû.&nbsp;