
Li pêşiya girtîgehan çalakiya ‘Deng bide azadiyê’

2024-05-06 15:33:29


	&nbsp;

	NAVENDA NUÇEYAN- Xizmên girtiyan bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk li pêşiya girtîgehan çalakiya “Deng bide azadiyê” li dar xistin.&nbsp;

	&nbsp;

	Çalakiya girtiyên siyasî ya “Ji bo Abdullah Ocalan azadî, ji bo pirsgirêka kurd çareseriya demokratîk” didome. Girtiyan di 27’ê Mijdara 2023’yan de dest bi çalakiya greva birçîbûnê ya dorveger kiribûn û di 4’ê Nîsanê de jî çalakiya xwe derbasî qonaxeke nû kirin û dest bi boykoktkirina hevdîtinên rû bi rû, yên li ser telefonê û derketina dadgehan kirin. Di demeke ku çalakiya girtiyan didome de xizmên girtiyan jî çalakiya xwe ya Nobeta Edaletê derbasî qonaxeke nû kirin. Xizmên girtiyan li pêşiya girtîgehên Amed, Êlih, Stenbol, Îzmîr, Mêrsîn û Edeneyê dest bi çalakiya “Deng bide azadiyê” kirin.&nbsp;

	&nbsp;

	AMED&nbsp;

	&nbsp;

	Xizmên girtiyan li pêşiya Girtîgeha Kampusê ya Amedê hatin ba hev. Federasyona Komeleyên Hiqûqî û Piştevaniya bi Malbatên Girtî û Hiqûmxwaran re ya MED’ê (MED TUHAD FED), Komeleya Piştevaniya bi Malbatên Girtî û Hikûmxwaran re (TUAY-DER), Komeleya Hiqûqnasên ji bo Azadiyê (OHD), Partiya Wekhevî û Demokrasiyê ya Gelan (DEM Partî), Partiya Herêmên Demokratîk (DBP) û Tevgera Jinên Azad (TJA) û gelek kesan jî piştgirî dan çalakiyê.&nbsp;

	&nbsp;

	Xizmên girtiyan beriya daxuyaniyê ji hêla polîsan ve hatin dorpêçkirin. Di dema çalakiyê de rojnameger jî hatin astengikrin. Xizmên girtiyan çalakiya xwe bi dirûşma “Bijî berxwedana zindanan” didomînin.&nbsp;

	&nbsp;

	STENBOL

	&nbsp;

	Çalakî li pêşiya Girtîgeha Jinan a Bakirkoyê hat lidarxistin. Xizmên girtiyan, Hevberdevkê Kongreya Demokratîk a Gelan (HDK) Cengîz Çîçek, Hevberdevkê Bajar ê HDK’ê Alî Bal, Parlamentera DEM Partiyê ya Stenbolê Çîçek Otlu, Hevserokên DEM Partiyê yên Stenbolê Mûrat Kalmaz û Gonca Yangoz û Hevserokê Komeleya Piştgirî û Piştevaniya bi Malbatên Xizmên Xwe Windakirin re ya Anatoliyayê (ANYAKAY-DER) Ayhan Yildiz jî tev li bûn.&nbsp;

	&nbsp;

	
	&nbsp;

	Di çalakiyê de xizmên girtiyan pêşmalkên bi nivîsa “Tecrîd sûcê li dijî mirovahiyê ye” li xwe kirin. Polîsan destûr nedan girse derbasî pêşiya girtîgehê bibe û dorpêç kirin. Li ser vê yekê girseyê jî di dorpêçê de çalakiya rûniştinê li dar xist. Beşdaran gelek caran dirûşmên “Maf, hiqûq, edalet”, “Girtiyên siyasî rûmeta me ne” û “Bijî berxwedana zindanan" berz kirin. Girseya ku hatî dorpêçkirin, bi xistina fîrikê dorpêç protesto kir. Polîsan nehiştin rojnameger dîmenan bikişînin û piştre jî nasnameyên kesên di dorpêçê de kotrol kirin. Çalakvanan dorpêç protesto kir û piştre jî ji cihê çalakiyê çû.&nbsp;

	&nbsp;

	
		ÎZMÎR
	
		&nbsp;
	
		Li Îzmîrê bi pêşengtiya Komeleya Piştgirî û Piştevaniya bi Malbatên Girtî û Hikûmxwaran re ya Egeyê (EGE- TUHAYDER) li pêşiya Girtîgeha bi Ewlekariya Bilind a Buca Kiriklarê çalakî hat lidaxistin. Parlamentera DEM Partiyê ya ya Îzmîrê Burcugul Çubuk, rêveberiyên bajar û navçeyan, TJA, Dayikên Aştiyê û gelek xizmên girtiyan tev li çalakiyê bûn. Di çalakiyê de gelek caran dirûşmên “Bijî berxwedana zindanan”, “Maf, hiqûq, edalet” û “Bila zindan bên hilweşandin ji girtiyan re azadî” hatin berzkirin.&nbsp;
	
		&nbsp;
	
		
		&nbsp;
	
		Ji rêveberên EGE-TUHAYDER’ê Leyla Kaygisiz daxuyanî xwend û got ku tecrîda li Îmraliyê li tevahiya girtîgehan belav bûye û tu cihê vê di hiqûqê de nîne. Bi domdarî Kaygisiz çalakiya girtiyên siyasî bi bîr xist û wiha pê de çû: “Li derve jî tevî malbatan ji bo em bibin dengê wan li vir in. Heta hiqûq û edalet pêk tê em ê çalakiya xwe bidomînin. Banga me li tevahiya raya giştî û saziyên civaka sivîl ew e ku piştgiriyê bidin me.”&nbsp;
	
		&nbsp;
	
		'ÊDÎ BES E’
	
		&nbsp;
	
		Ji xizmên girtiyan Hanîfe Gumuş jî di çalakiyê de wiha got: “Êdî bes e ji vê zilma we re! Bila êdî ciwan neyên kuştin. Ev heqê tu dewletan nîne. Ma ev zilm dê heta kengî bidome? Ma dê ev şer heta kengî bidome? Êdî vî şerî bidin sekinandin. We li her derê girtîgeh ava kirine, hemû çiya bûne girtîgeh. Ma hûn dê heta kengî girtîgehan ava bikin?”&nbsp;
	
		&nbsp;
	
		Piştî axaftinan, beşdaran çalakiya rûniştinê ya 5 deqeyan li dar xistin. Di vê navberê de kesên tev li çalakiyê bûn û xizmên girtiyan bi lêdana fîrikê tecrîd protesto kirin û çalakî bi dawî bû.&nbsp;
	
		&nbsp;
	
		
			&nbsp;
		
			EDENE
		
			&nbsp;
		
			&nbsp;
		
			Çalakî li pêşiya Kampusa Girtîgeha Kurkçulerê hat lidarxistin. Xizmên girtiyan, DEM Partî, DBP, Komeleya Piştevaniya bi Malbatên Girtî û Hikûmxwaran re ya Edeneyê (AATUHAY-DER), Komeleya Piştgirî û Piştevaniya bi Malbatên Xizmên Xwe Windakirin re ya Akdenîzê (AYKAY-DER), rêveberên HDK’ê, Parlamenterê DEM Partiyê yê Amedê Serhat Eren, TJA û parastvanên mafan tev li çalakiyê bûn.&nbsp;
		
			&nbsp;
		
			
			&nbsp;
		
			Polîsan beriya çalakiyê rêyên ber bi girtîgehê ve diçûn girtin û nehiştin tu kes bi meşê derbas bibe. Li ser vê yekê komê 100 metreyan nêzî girtîgehê ji wesayîtên xwe paya bûn û çalakî li dar xistin. Di çalakiyê de beşdaran pêşmalkên “Tecrîd sûcê li dijî mirovahiyê ye” li xwe kirin, pankartên “Ji bo edaletê em tecrîdê bişikînin, ji bo aştiya civakî deng bide azadiyê” hilgirtin û dirûşmên “Bijî berxwedana zindanan", "Deng bide azadiyê”, “Bijî berxwedana Îmraliyê” û “Girtiyên siyasî rûmeta me ne” berz kir.&nbsp;
		
			&nbsp;
		
			‘NAVNÎŞANA ÇARESERIYÊ ÎMRALIYE’
		
			&nbsp;
		
			Parlamenter Serhat Eren di daxuyaniyê de çalakiya girtiyên siyasî bi bîr xist û wiha got: “Tekane daxwaza wan azadiya fîzîkî ya birêz Abdullah Ocalan û çareserkirina pirsgirêka kurd a bi rêyên demokratîk e. Di serî de pirsgirêka kurd, tecrîda li Îmraliyê rê li ber giranbûna hemû pirsgirêkan vedike. Muxatabê çareseriya pirsgirêka kurd birêz Abdullah Ocalan e.”&nbsp;
		
			&nbsp;
		
			Piştî axaftinan, beşdaran çalakiyên rûniştinê û dengderxistinê li dar xistin.&nbsp;
	

	&nbsp;