
Li gelek bajaran bi ser malan de hate girtin 

2024-05-08 10:01:36


	NAVENDA NÛÇEYAN -&nbsp;Li gelek bajaran bi ser malan de hate girtin û di encamê de gelek kes hatin binçavkirin.&nbsp;

	&nbsp;

	Li Antalya, Eskîşehîr, Colemêrg û Stenbolê bi awayekî hemwext bi ser gelek malan de hate girtin. Di encama serdegirtinên malan de gelek kes hatin binçavkirin.&nbsp;

	&nbsp;

	LI ANTALYAYÊ 3 KES HATIN BINÇAVKIRIN

	&nbsp;

	Polîsan di danê sibehê de li Antalyayê bi awayekî hemwext bi ser gelek malan de girtin. Di serdegirtinên malan de Mehmet Çobaner, Mehmet Denîz û Firat Eren hatin binçavkirin. Sedema binçavkirinê nehat zanîn û hat diyarkirin ku binçavkirî li Midûriyeta Emniyetê ya Bajar tên ragirtin. &nbsp;

	&nbsp;

	Dibe ku hejmara binçavkiriyan zêdetir bibe.

	&nbsp;

	LI ESKÎŞEHÎRÊ 8 KES HATIN BINÇAVKIRIN

	&nbsp;

	Li Eskîşehîrê jî di danê sibehê de bi ser gelek malan de hate girtin. Di encama serdegirtinên malan de welatiyên bi navên Îbrahîm Bînîcî, Yûsûf Çelîk, Emre Demîrtaş, Îbrahîm Altun û 4 kesên navên wan nehat zanîn hatin binçavkirin.&nbsp;

	&nbsp;

	8 kesên bi hinceta dirûşmên di Newrozê de hatine berzkirin hatin binçavkirin, li Şaxa TEM’ê ya Midûriyeta Emniyetê ya Bajar tên ragirtin.&nbsp;

	&nbsp;

	LI COLEMÊRGÊ 9 KES HATIN BINÇAVKIRIN

	&nbsp;

	Di encama serdegirtinên malan ên li Colemêrgê de Bariş Ozdînç, Serhat Engîn, Serkan Akdag, Ferhat Çetîn, &nbsp;Serkan Tan, Agît Kurt, Cahît Erdal, Mazlum Kurt û Alî Sonmez hatin binçavkirin. Hat zanîn ku welatî bi hinceta tevlibûna çalakiyên protestoyî yên li Wanê li dijî hewldana xespkirina vîna gel hatibûn lidarxistin, hatine binçavkirin. &nbsp;

	&nbsp;

	Binçavkirî niha li Midûriyeta Emniyetê ya Bajar tên ragirtin û ji bo 24 saetan biryara qedexeya hevdîtina bi parêzeran re hate dayîn.&nbsp;

	&nbsp;

	LI STENBOLÊ SERDEGIRTINÊN MALAN

	&nbsp;

	Di encama serdegirtinên malan ên Stenbolê de jî 2 jê zarok bi giştî 6 kes bi îdiaya “propagandaya rêxistinê” hatin binçavkirin. Biryara nepeniyê ji bo dosyayê hatiye dayîn û binçavkirî niha li Midûriyeta Emniyetê ya Bajar tên ragirtin.&nbsp;