
Wênesaz Doganê beraet kir

2024-05-09 13:31:29


	&nbsp;

	MÊRDÎN - Wênesaz Zehra Dogan di doza bi îdiaya “propagandaya rêxistinê” ku jinûve hate darizandin de beraet kir.&nbsp;

	&nbsp;

	Wênesaz Zehra Dogan di dema rojnamegerî dikir de ji ber parvekirinên nûçeyên qedexeya derketina derve li navçeya Nisêbîn a Mêrdînê hatibû binçavkirin û girtin. Dogan a bi îdiaya “propagandaya rêxistinê” hatibû girtin piştî 2 salan hatibû berdan. Danişîna doza Doganê li 2’yemîn Dadgeha Cezayê Giran a Mêrdînê hate lidarxistin.&nbsp;

	&nbsp;

	Piştî ku rêya veguhestina hin cezayan a ji bo Dadgeha Bilind hate vekirin, parêzerên Doganê 2 sal û 9 meh û 22 roj cezayê hefsê yê li muwekîla wî hatibû birîn veguhest Dadgeha Bilind. Dadgeha Bilind ceza xera kir û biryar da ku doz jinûve bê lidarxistin. Di danişîna ewil a doza jinûve hate lidarxistin de Dogan amade nebû, parêzerê wê Emrah Akbûlût amade bû.&nbsp;

	&nbsp;

	Dozgerê ku mutalaya xwe pêşkeşî dadgehê kir, bi hinceta “di qanûnê de weke sûc nehatiye sererastkirin’ xwest derbarê Dogan de biryara beraetê were dayîn.&nbsp;

	&nbsp;

	Parêzerê Doganê Akbûlût jî diyar kir ku parvekirineke muwekîla wê ya ku bibe sedemê girtinê nîne û xwest muwekîla wê beraet bike.&nbsp;

	&nbsp;

	Dadgehê jî daxwaza dozger û parêzer li ber çavan girt û derbarê Doganê de biryara beraetê da.&nbsp;