Ji bo kurdan nas bikin hatin Amedê

2024-05-10 09:16:47


	 

	AMED - Anke Klavjer a ku bandor ji berxwedana kurdan girt û hat Amedê, got: "Min hinek jinên kurd nas kirin. Pir bihêz û afirîner in. Û têra xwe azad in. Gava ez li cem wan im, ez xwe pir bihêz û azad hîs dikim. Lewma min tesîr ji wan girt." 

	 

	Di demên dawî de berxwedanên kurdan ên li Rojavayê û Rojhilatê Kurdistanê bala hemû neteweyan dikişînin. Bi taybetî jî têkoşîna "jin, jiyan, azadî" ya bi pêşengiya jinên kurd bala cîhanê dikişîne. 

	 

	Ev berxwedan kir ku ji gelek deverên cîhanê kes berê xwe bidin Kurdistanê. Anke Klavjer û Nelson Wilson-Coffey ku hevjînên hev in û ji Awisturyayê ne, ji bo kurdan nas bikin hatine Kurdistanê. 

	 

	Hevjînên hev Klavjer-Coffey, bandor ji pirtûka “The Kurdish Women's Movement: History, Theory, Practice/ Tevgera Jinên Kurd: Dîrok, Teorî, Pratîk" Dîlar Dîrik bandor girtin. Kavjer-Coffey, piştî pirtûka Dîrîk xwendin lêkolînên xwe berfirehtir kirin û ji bo kurdan ji nêz ve nas bikin biryar dan ku bên Amedê.

	 

	Anke Klavjer bilêv kir ku ji bo çanda kurdan ji nêz ve nas bikin hatine Amedê û got: "Gava mirov bixwaze welatekî nas bike divê mirov fêm bike ku ew li ku êşê dikişîne û li ku têdikoşe." 

	 

	Klavjer wiha domand: "Di demên dawî de gava me bi gelê kurd re xeber da, me çend çîrok bihîstin. Têkoşîna wan a niha û yên berê, astengiyên li be rçand, ziman û fikirên wan... Bi rastî jî astengkirina deng û çanda mirovan min diêşîne. Ez dibêjim qey min di têkoşîna xwecihên Ewusturyaya Navîn de jî tiştekî wiha hîs kiriye." 

	 

	'JINÊN KURD BÊTIR AZAD IN'

	 

	Klavjer destnîşan kir ku ji ber ku jinên kurd nas kiriye kêfxweş e û got: "Min komeke biçûk a jinên kurd nas kir. Ez wiha temîn dikim ku piraniya wan ji min ciwantir in û di warê fizikî de jî pri bedew in. Pir bihêz û afirîner in. Pir azad in. Gava ez di temenê wan de bûm ez ewqasî ne azad û bihêz bûm. Lewma min tesîr ji wan girt." 

	 

	Nelson Wilson-Coffeyî jî got: "Çîrokên kurdan ên ku min li vir bihîstin nagihêjin gelên Awusturyayê. Ez ê çîrokên wan bigihînim Awusturyayê." 

	 

	Coffeyî anî ziman ku heya nehatibû Amedê kurdan tenê di pirtûkan de nas dikir û got: "Em li Awusturyayê çûn pêşangeha wênesazekî mezin. Wê pêşangehê berê me da vir. Me gelek çîrokên cuda bihîstin. Ez dixwazim piştgiriyê bidim van çîrokan." 

	 

	MA/ Mujdat Can